تيل گئس ۽ ڪوئلي سان مالا مال سنڌ جو عوام غربت ۾ مبتلا آهي: محمد حسين محنتي

پي ڊي ايم سرڪار ٻن ڏھاڙن ۾ 54 بل منظور ڪرائي آئين، قانون توڙي قوم سان مذاق ڪيو

شڪارپور(ڊ.ر) جماعت اسلامي سنڌ جي امير اڳوڻي ايم اين اي محمد حسين محنتي ناني ويڙهو بدران سنڌ ۾ غيرجانبدار ۽ سٺي ساک رکندڙ ماڻھن تي ٻڌل نگران حڪومت جي گھر ڪندي چيو آھي تہ آدم گڻپ توڙي حدبندين کي جواز بڻائي چونڊن ۾ دير نہ بلڪہ آئين موجب بروقت يقيني بڻايو وڃي.انھي ۾ ئي ملڪ توڙي قوم جو مفاد آھي. تيل گئس ۽ ڪوئلي جھڙي قدرتي دولت سان مالا مال ھجڻ جي باوجود نا اھل قيادت ڪري سنڌ جو عوام گيس بجلي کا محروم، بک بدحالي، ننڌڻڪائپ توڙي بدامنيءَ جو شڪار آهي. اسلامي نظام ۽ ايماندار قيادت ئي ملڪ کي ترقي ۽ عوام جا مسئلا حل ڪري سگهي ٿي.اھڙن خيالن جو اظهار ھن شڪارپور ۾ ڏسٽرڪٽ بار کي خطاب دوران ڪيو.ان موقعي تي سابق صدر عبدالقادر ابڙو، ايڊووڪيٽ علي اصغر پھوڙ پڻ خطاب ڪيو، اڳوڻا صدر آغا ثناءُ الله دراني، نصيرالدين لوڌي سميت جماعتي اڳواڻ توڙي وڪيل وڏي تعداد ۾ موجود ھئا. بار جي طرفان آيل مھمانن کي سنڌ جي سوکڙي اجرڪ پيش ڪيا ويا. جماعت اسلامي سنڌ جي امير جو وڌيڪ چوڻ ھو تہ پي ڊي ايم سرڪار ويندي ويندي ٻن ڏھاڙن ۾ 54 بل منظور ڪرائي آئين، قانون توڙي قوم سان مذاق ۽ پارليامينٽ کي رٻڙ اسٽيمپ ثابت ڪيو. ملڪ ۾ جھنگ جو قانون سنڌ سموري بدامني جي باھ ۾ ٻري رهي آھي. پ پ گزريل 15 سالن کان اقتدار ۾ آھي پر سنڌ ساڳي سورن ۾ آھي. ڪراچي کان سواءِ لاڙڪاڻو، سکر ،نواب شاھ سميت سنڌ جا سمورا شھر کنڊرات، بدامني جو ڳڙھ ۽ انفراسٽرڪچر تباھ آھي. فراڊ مڪاني چونڊن وانگر آدم گڻپ ۾ بہ سنڌ سان ويساهه گهاتي ڪئي وئي آھي جنھن ۾ پ پ سان گڏ اتحادي ايم ڪيو ايم بہ ٻٽ آھي.حڪمرانن توڙي اسٽيبلشمينٽ جي گڏيل چالاڪين ڪري عوام جو جمھوريت ۽ اليڪشن تان اعتماد کڄندو ٿو وڃي. عدليہ جي آزادي قانون جي حڪمراني لاءِ وڪلاء برادري جو تاريخي ڪردار رھيو آھي. مسنگ پرسن توڙي انساني حقن جي ابتڙ ٿيندڙ قانون سازي خلاف بہ وڪيلن کي آواز اٿارڻ گھرجي. ھوڏانھن ھن شڪارپور ۾ الخدمت اسپتال جو دورو ڪري مختلف شعبن جو جائزو جڏھن تہ مدئجي جندو ديرو ۾ پڻ نوجوانن عورتن ۽ عھديدارن جي ميڙاڪن کي پڻ خطاب ڪيو. ان موقعي تي سنڌ جو اطلاعات سيڪريٽري مجاهد چنا، ضلعي امير عبدالسميع ڀٽي، محمود الاھي ھڪڙو، مفتي عبدالغفور سينھڙو ۽ ٻيا پڻ موجود هئا.#