زخمیوں کو طبی امداد کے لیے بیلہ اسپتال منتقل کیا گیا جہاں ڈاکٹرز نے دس کی حالت کو تشویشناک قرار دیا ہے۔
کوئٹہ: کراچی سے بلوچستان کے علاقے حب جانیوالی مسافر کوچ کو بیلہ کے مقام پر حادثہ پیش آیا، جس میں تین مسافر جاں بحق ہوگئے۔
ریسکیو ذرائع کے مطابق مسافر کوچ کو تیز رفتاری کے باعث بیلہ کے قریب حادثہ پیش آیا، جس میں بچوں اور خواتین سمیت بیس مسافر زخمی ہوئے۔
زخمیوں کو طبی امداد کے لیے بیلہ اسپتال منتقل کیا گیا جہاں ڈاکٹرز نے دس کی حالت کو تشویشناک قرار دیا ہے۔
ٹریفک حادثے کا شکار ہونے والے مسافروں نے بتایا کہ ڈرائیور موقع سے فرار ہوگیا ہے جبکہ وہ یک طرفہ روڈ پر خطرناک انداز سے گاڑی چلا رہا تھا جس پر متعدد مسافروں نے اُسے روکنے کی بھی کوشش کی تھی۔
0 تبصرے