همايون شريف ۾ سماجي تنظيم پاران برساتن متاثرن ۾ سامان ورهايو ويو

برسات جي پهرين ڏينهن کان هيل تائين 3100 متاثر خاندانن جي مدد ڪري چڪا آهيون: ڀاڳچند وليچا

شڪارپور ( احسان ابڙو ) شڪارپور جي يوسي همايون شريف ۾ سماجي تنظيم سينٽر آف ھوپ پاڪستان پاران آء او ايم جي سهڪار سان بارش متاثرين 250 خاندانن ۾ ڪچن ڪٽ سميت ضروري سامان تقسيم ڪيو ويو سينٽر آف ھوپ پاڪستان جي چيف ڊائريڪٽر سلطان احمد رند ۽ فيلڊ آفيسر ڀاڳچند وليچا پاران ڊسٽريبيوشن وقت ميڊيا سان ڳالھائيندي چيو ته اسان بارشن جي پهرين ڏينهن کان هيل تائين 3100 متاثر خاندانن جي 22000 فرد مستحقين کي رليف ڏئي چڪا آھيون ڪوشش ڪندا آھيون بي پھچ متاثر مستحق تائين پهچون ۽ رليف جي حقدار کي اسيسمينٽ ۾ شامل ڪيون اڄ به يوسي همايون شريف جي غريب بي پھچن کي رليف ڏئي رهيا آھيون هنن وڌيڪ چيو ته اسانجي ٽيم آفتن وقت ڏکين گهڙين ۾ ھر وقت پنهنجي ماروئڙن غريب بي پهچن جي واهر ڪئي آ تمام تڪليفن باوجود حوصلا بلند آھن انسانيت جي خدمت اين عبادت آ هنن وڌيڪ چيو ته جيسين بارش متاثرين جي بحالي مرحلي ۾ داخل نٿا ٿين ۽ هنن جا گھر نٿا ٺهن تيسين سينٽر آف هوپ ۽ ٽيم سنڌ جي ھر متاثر ماڻھون سان گڏ آھيون اسانجي سروي ٿيل آھي انگ اکر موجود آھن اگر سنڌ حڪومت متاثرين جا گڏ ڪيل انگ اکر گھرندي ته اسين ڏيڻ لاء تيار آھيون