ٺٽي جي ٻرندڙ مسئلن تي سنڌ ميڊيا فورم جو ھنگامي اجلاس ٿي گذريو

ھڪ انتھا گھري سازش تحت ضلعي ٺٽي جي عوام کي لاوارث ڪيو ويو آهي: وفا اڪرم عباسي

ٺٽو( ڊر) ضلعي ٺٽي جي ٻرندڙ ۽ اھم مسئلن تي سنڌ ميڊيا فورم جو ھڪ ھنگامي اجلاس ٿي گذريو اجلاس ۾ ميڊيا بريفنگ ڏيندي نامور ليکڪ،قلمڪار ۽ صحافي وفا اڪرم عباسي چيو ته ھڪ انتھا گھري سازش تحت ضلعي ٺٽي جي عوام کي لاوارث ڪندي ۽ ضلعي ٺٽي جي لکين ايڪڙ زمين توڙي قديم ماڳن مياڻن قبرن توڙي مقامي ماڻھن جي اباڻن ڪکن تي گن پوائنٽ وسيلي قبضه ڪندي عوام کي لينڊ مافيه ۽ پوليس جي رحم ڪرم تي ڇڏيو ويو آھي ڇوته ضلعي ٺٽي جا اڪثر صوبيدارن بنا ڪنھن سرچ وارنٽجي ماڻھو کنڀي گم ڪندي قانون جون سرعام ڌڄيون اڏائي رھيا آھن ته ٻي پاسي مڪلي تي قائم ولھاري برادري جي قديم قبرستان توڙي اتي مدفون ٿيل عوامي ۽ رومانوي شاعر مسافر ٺٽوي جي قبر کي ميسارڻ جي سازش ڪئي وئي آھي ته جڏھن ته گھارو شھر جي ڪچي آبادي ڀرسان صدين پراڻو ڳوٺ ۽ مسڪين ملاح برادري جي پراڻن تڙن ۽ مياڻن تي بااثر لينڊ مافيه پاران قبضو ڄمائڻ جي پڻ سازش سٽي وئي آھي،اجلاس۾ زاھد خشڪ،محمد علي عرف موني ميمڻ،وسيم جان جوکيو،عبدالرزاق خشڪ،ايڊووڪيٽ فاضل آڪاش عباسي،منور صابرو ۽ ٻيا شريڪ ٿيا،