نوشهروفيروز ۾ سنڌ يونيفائيڊ گزيٽيڊ سروس جي ملازمن جو احتجاج

محمد ايوب سومرو , غلام قادر سولنگي , محمد صادق راڄپر , اياز حسين پٺاڻ ۽ ٻين جي اڳواڻي ۾ احتجاج ڪيو ويو

نوشهروفيروز(ڊ ر) نوشهروفيروز ۾ ضلعي سکر ۽ خيرپور مان رٽائرڊ ٿيل سنڌ يونيفائيڊ گزيٽيڊ سروس جي ملازمن پاران مطالبن جي مڃتا لاء احتجاجي مظاهرو ڪيو جنهن جي اڳواڻي محمد ايوب سومرو , غلام قادر سولنگي , محمد صادق راڄپر , اياز حسين پٺاڻ ۽ ٻيا ڪري رهيا هيا جن حقن جي حاصلات لاء نعري بازي پڻ ڪئي ان موقعي تي اڳواڻن ميڊيا اڳيان دانهيندي چيو ته ظلم جي انتها آهي ته اسان رٽائرڊ ملازمن کي پنهنجا جائز حق به نه پيا ملن جيڪا اسان سان وڏي زيادتي آهي ڇو ته سال 2021 .22 سميت جيڪي به حڪومتي اعلان ڪيا ويا ته پينشن ۾ اضافو ڪيو ويندو انهن تي اڄ تائين عمل ناهي ٿي سگهيو جڏهن ته گريجيوٽي , فيملي پينشن , ڊفرنس جيڪي اسان جي حقن ۾ شمار آهن اهي به نه پيون ملن هنن سنڌ سرڪار کي اپيل ڪئي ته سندن جيڪي به حق آهن ۽ جيڪي به مراعتون رهيل آهن ته اهي جلد کان جلد ڏئي اسان کي فاقاڪشيء واري صورتحال کان بچايو وڃي ڇو ته اسان جي عمر 75 سال کان مٿي آھي ۽ اها سهپ نه رهي آهي