ملير ۾ ٽرانسپورٽرن ۾ روٽ پرمٽ تڪرار شدت اختيار ڪري ويو

ڪوڙن ڪاغذن ذريعي گاڏيون روڪي مسافرن لاٿا پيا وڃن: مختيار کوسو ۽ ٻيا

ملير (رپورٽ: عبدالرشيد مورجھريو) ملير ۾ ٽرانسپورٽ شعبي ۾ روٽ پرمٽ جو تڪرار شدت اختيار ڪري ويو آهي، جنهن سبب ٽرانسپورٽرن ۾ سخت ڳڻتي ۽ بيچيني پکڙجي وئي آهي سلسلي ۾ ملير جي ٽرانسپورٽرن غلام سرور ميمڻ، مختيار علي کوسو، ذوالفقار علي ٻگهيو، عبدالحق بليدي ۽ ٻين عوامي پريس ڪلب ملير پهچي گڏيل هنگامي پريس ڪانفرنس ڪندي الزام لڳايو ته ڪجهه ماڻهو ڪوڙن ڪاغذن جي زور تي سندن گاڏين کي روڪي عورتن سميت مسافرن کي زبردستي لاهي رهيا آهن، جنهن سبب سندن روزگار سخت متاثر ٿي رهيو آهي ڄاڻايل ٽرانسپورٽرن چيو ته 2017 کان سندن 18 کان وڌيڪ گاڏيون قائد آباد کان ماتلي تائين باقاعدي هلنديون رهيون آهن، پر هاڻ بااثر شاهجهان بروهي، محبوب علي ٻگهيو ۽ ٻيا غيرقانوني طور تي ڪوڙا دستاويز استعمال ڪري بااثر مخالف سندن روٽ تي هلندڙ گاڏيون زوري بند ڪرائي رهيا آهن هنن وڌيڪ ٻڌايو ته پي ٽي اي سنڌ طرفان به اهڙن ڪوڙن ڪاغذن کي رد ڪيو ويو آهي ۽ اسان عدالت ۾ پٿيشن داخل ڪرائي آهي جنهن جون شنوايون هلي رهيون آهن ان باوجود به انتظاميا طرفان موثر قدم نه کنيا ويا آهن، جنهن سبب صورتحال خراب ٿيندي پئي وڃي هنن چيو ته ملير پوليس اسان جي مخالفن سان گڏجي اسان تي ڪوڙا ڪيس داخل ڪري رهي آهي جڏهن ته اسان طرفان ڪو ڪيس وٺڻ لاءِ تيار ڪونهي پريس ڪانفرنس ۾ ٽرانسپورٽرن سنڌ جي وڏي وزير، آئي جي سنڌ، ڊيبائي جي ٽريفڪ، ايس ايس پي ٺٽو ايس ايس پي ٽريفڪ ملير، ايس ايس پي ملير، مطالبو ڪيو ته انتظاميا فوري طور مداخلت ڪري غيرقانوني روٽ بند ڪري ۽ اصل ٽرانسپورٽرن کي تحفظ ڏئي ته جيئن علائقي ۾ امن ۽ قانون جي بالادستي قائم رهي.