گڏاپ سٽي هٿان مبينا مقابلي ۾ هڪ ڄڻو مارجي ويو

ملير (رپورٽ: عبدالرشيد مورجھريو) گڏاپ سٽي جي چهوٽا گيٽ ڪريم ٽائون ويجهو پوليس ۽ ڦوروئن ۾ مبينا مقابلو ٿيو، جنهن دوران فائرنگ جي ڏي وٺ ۾ زخمي ٿيل هڪ ڦورو علاج دوران فوت ٿي ويو۔ پوليس موجب مقابلو گڏاپ سٽي ٿاڻي جي حدن اندر ٿيو، جتي جوابدارن جي موجودگي جي اطلاع تي پوليس ڪارروائي ڪئي۔ ان دوران هٿياربندن پوليس تي فائرنگ ڪئي، جنهن جي جواب ۾ پوليس به جوابي فائرنگ ڪئي۔ فائرنگ جي ڏي وٺ ۾ هڪ جوابدار سخت زخمي ٿي پيو، جنهن کي جناح اسپتال منتقل ڪيو ويو، جتي هو زخمن جا سور نه سهندي فوت ٿي ويو۔ فوتي جوابدار جي سڃاڻپ 35 ورهين جي آصف خان ولد عبدالماتي طور ٿي آهي۔ پوليس لاش کي ضروري قانوني ڪارروائي لاءِ اسپتال منتقل ڪري ڇڏيو آهي۔پوليس موجب واقعي بابت وڌيڪ جاچ جاري آهي، جڏهن ته جوابدار جي ڪرمنل رڪارڊ ۽ ساٿين بابت پڻ ڄاڻ گڏ ڪئي پئي وڃي۔