ڪاٺوڙ پل ڀرسان ٽينڪر جو موٽرسائيڪل کي ٽڪر، عورت سميت 2ڄڻا فوت

ملير (رپورٽ: عبدالرشيد مورجھريو) سپر هاءِ وي ڪاٺوڙ پل ڀرسان هڪ افسوسناڪ ٽريفڪ حادثو پيش آيو آهي، جتي ٽينڪر ۽ موٽرسائيڪل وچ ۾ ٽڪر جي نتيجي ۾ عورت سميت ٻه ڄڻا فوت ٿي ويا.پوليس ۽ ريسڪيو ذريعن موجب حادثو ان وقت پيش آيو جڏهن تيز رفتار ٽينڪرموٽرسائيڪل کي ٽڪر هنيو، جنهن سبب موٽرسائيڪل تي سوار ٻئي ڄڻا موقعي تي ئي فوت ٿي ويا .ريسڪيو عملي ۽ مقامي رضاڪارن فوري طور تي واقعي واري هنڌ پهچي لاشن کي ضروري قانوني ڪارروائي لاءِ اسپتال منتقل ڪيو.ابتدائي ڄاڻ موجب فوت ٿي ويلن جي سڃاڻپ نه ٿي سگهي آهي. فوت ٿيلن ۾ نامعلوم عورت، زال نامعلوم، عمر لڳ ڀڳ 35 سال نامعلوم مرد، ولديت نامعلوم، عمر لڳ ڀڳ 40 سال شامل آهن پوليس واقعي واري هنڌ پهچي حادثي جي جاچ شروع ڪري ڇڏي آهي، جڏهن ته ٽينڪر ڊرائيور جي ڳولا پڻ جاري آهي.علائقي جي رهواسين هن افسوسناڪ حادثي تي گهري ڏک جو اظهار ڪندي مطالبو ڪيو آهي ته سپر هاءِ وي تي تيز رفتاري ۽ هيوي ٽريفڪ تي سخت ڪنٽرول ڪيو وڃي