ملير: ڪورنگي انڊسٽريل ايريا ڀرسان هٿياربندن جي فائرنگ ۾ پوليس اهلڪار زخمي

171 views | 29th Apr 2026 • سنڌي خبرون

ملير: ڪورنگي انڊسٽريل ايريا ڀرسان هٿياربندن جي فائرنگ ۾ پوليس اهلڪار زخمي

ملير(رپورٽ: عبدالرشيد مورجھريو) ملير ضلعي جي علائقي معين آباد، ڪورنگي انڊسٽريل ايريا ڀرسان نامعلوم هٿياربندن جي فائرنگ ۾ پوليس اهلڪار زخمي ٿي پيو. واقعو شرافی ٿاڻي جي حد ڳوٺ جي حدن اندر پيش آيو.پوليس موجب زخمي اهلڪار جي سڃاڻپ رويل عمر طور ٿي آهي، جيڪو ٿاڻو شرافی ڳوٺ جي انويسٽيگيشن ٽو سيڪشن ۾ مقرر هو. فائرنگ دوران نامعلوم جوابدارن سندس ٽنگ ۾ گولي هنئي، جنهن سبب هو زخمي ٿي پيو.اطلاع ملندي ئي ٿاڻو شرافی ڳوٺ پوليس واقعي واري هنڌ تي پهتي ۽ زخمي اهلڪار کي فوري طور طبي امداد لاءِ ويجهي اسپتال منتقل ڪيو ويو. شروعاتي ڄاڻ موجب واقعو ذاتي تڪرار جو نتيجو لڳي رهيو آهي، جڏهن ته پوليس وڌيڪ جاچ شروع ڪري ڇڏي آهي. جوابدارن جي گرفتاري لاءِ ڳولا جاري آهي۔