هڱورجا ۾ سگا جي 54هين سالگرهه تقريب منعقد

ھڱورجا(رپورٽر)سنڌ گريجوئيٽس ايسوسيئيشن (سگا) برانچ ھنڱورجا پاران سگا جي 54هين سالگره وڏي جوش ۽ جذبي سان پريس ڪلب ھنڱورجا ۾ ملهائي وئي. سالگره تقريب ۾ سگا جي عهديدارن، ميمبرن، سماجي ڪارڪنن، استادن، اديبن ۽ شھر جي معززن وڏي انگ ۾ شرڪت ڪئي.تقريب سگا جي اڳواڻن گڏجي سالگرهه جو ڪيڪ ڪاٽيو ۽ تنظيم جي ڪاميابين تي خوشي جو اظهار ڪيو. تقريب دوران شرڪت ڪندڙن سگا جي سماجي، تعليمي ۽ فلاحي خدمتن کي ساراهيندي تنظيم جي روشن مستقبل لاءِ نيڪ خواهشن جو اظهار ڪيو. ان موقعي تي سگا جي اڳواڻن عبدالسميع ڀنڀرو، غلام جعفر ٽانوري، پروفيسر نورالدين شيخ، غلام حسين چانگ، بختيار چنو، غلام سرور تنيو. شمن راڄپر حاڪم سھتو .غلام شبير تنيو.بختيار چنو.ٻڍل سھتو. عبدالرحيم سيال.وقار حطار عبدالجبار چانگ.وحيد جانوري عمران چانگ حنيف شيخ ۽ ٻين خطاب ڪندي چيو تہ سگا ايشيا جي وڏي ۽ معتبر سماجي تنظيمن مان هڪ آهي، جنهن گذريل 54 سالن دوران تعليم، صحت، سماجي ڀلائي، عورتن جي ترقي، انساني حقن ۽ آفتن جي وقت امدادي سرگرمين جي ميدان ۾ نمايان خدمتون سرانجام ڏنيون آهن مقررن وڌيڪ چيو تہ سگا هميشه سنڌ جي عوام جي خدمت کي پنهنجو اولين فرض سمجهيو آهي. 2010ع جي تباهه ڪندڙ ٻوڏن توڙي 2022ع جي قيامت خيز برساتن دوران سگا متاثر خاندانن تائين راشن، خيما، دوائون ۽ ٻيو ضروري امدادي سامان پهچائي لکين ماڻهن جي مدد ڪئي.ان کان علاوه تنظيم تعليم جي شعبي ۾ اسڪولن، اسڪالرشپن ۽ ٻين منصوبن ذريعي نوجوان نسل جي بهتر مستقبل لاءِ اهم ڪردار ادا ڪري رهي آهي.ھنن وڌيڪ چيو ته سگا جو بنيادي مقصد بنا ڪنهن فرق جي انسانيت جي خدمت ڪرڻ آهي ۽ تنظيم مستقبل ۾ به پنهنجي فلاحي مشن کي جاري رکندي. مقررن نوجوانن تي زور ڏنو ته هو سماجي خدمتن ۾ ڀرپور حصو وٺن ۽ معاشري جي بهتري لاءِ سگا جهڙين تنظيمن سان گڏجي ڪم ڪن.تقريب جي پڄاڻي تي ملڪ جي سلامتي، سنڌ جي ترقي ۽ سگا جي وڌيڪ ڪاميابين لاءِ خاص دعائون گهريون ويون.