ملير ۾ 15 ڏينهن اڳ پراسرار نموني گم ٿيل ذهني معذور نياڻي ناياب عرف صنم جو پتو نه پيو، وارثن جي مدد جي اپيل

ملير (رپورٽ: عبدالرشيد مورجھريو) ملير جي علائقي عبدالله ڳوٺ مان 15 ڏينهن اڳ گم ٿيل ذهني معذور نياڻي ناياب عرف صنم جو اڃا تائين ڪو به پتو نه پئجي سگهيو آهي جنهن سبب سندس وارث سخت پريشاني ۽ ذهني اذيت ۾ مبتلا آهن گم ٿيل ناري جي ڀاءُ ذوھيب کوکر صحافين سان ڳالهائيندي ٻڌايو ته 21 مئي تي سندس ڀيڻ ناياب عرف صنم پنهنجي امڙ سان گڏ عبدالله ڳوٺ ۾ لڳندڙ بچت بازار مان گهر جو سامان خريد ڪرڻ لاءِ وئي هئي، جتان هوءَ اوچتو گم ٿي وئي هن چيو ته واقعي بعد شاهه لطيف ٽائون ٿاڻي تي گمشدگي جي رپورٽ داخل ڪرائي وئي، پر 15 ڏينهن گذرڻ باوجود نياڻي جو ڪٿان به ڪو سراغ نه ملي سگهيو آهي اظهر کوکر موجب سندس ڀيڻ ذهني معذوري جو شڪار آهي ۽ ڳالهائڻ جي سگهه کان پڻ محروم آهي، جنهن ڪري سندس حفاظت بابت گهر ڀاتين کي سخت ڳڻتي لاحق آهي هن چيو ته وارثن ۽ مائٽن طرفان مختلف علائقن ۽ هنڌن تي ڳولا باوجود نياڻي جو ڪو به پتو نه پئجي سگهيو آهي هن وڌيڪ ٻڌايو ته نياڻي جي گمشدگي سبب گهر ۾ پريشاني ڇانيل آهي، جڏهن ته سندس امڙ کي مسلسل بيهوشي جا دورا پئجي رهيا آهن. وارثن آءِ جي سنڌ، ايس ايس پي ملير، پوليس اختيارين ۽ سماجي تنظيمن کي اپيل ڪئي آهي ته نياڻي جي ڳولا لل۾ سندن مدد ڪئي وڃي ته جيئن ھو هن اذيت ۽ پريشاني مان نڪري سگهن