ٺٽو: درگاھ جنگشاهي بنيادي سهولتن کان محروم

مريد، زائرين ۽ عقيدتمند پريشانين کي منهن ڏيڻ تي مجبور

ٺٽو(ڊر)درگاھ جنگشاهي بنيادي سهولتن کان محروم ٺٽي جي تاريخي ۽ روحاني اهميت رکندڙ درگاھ جنگشاهي تي ايندڙ مريدن، زائرين ۽ عقيدتمندن سخت پريشانين کي منهن ڏئي رهيا آهن. درگاهه تي نه پيئڻ جي صاف پاڻي جي سهولت موجود آهي، نه بجلي جو مناسب انتظام، جڏهن ته مسافرن لاءِ وضو خانا ۽ واش روم پڻ موجود ناهن. عقيدتمندن جو چوڻ آهي ته هر سال هزارين زائرين درگاهه تي حاضري ڀرڻ لاءِ اچن ٿا، پر بنيادي سهولتن جي کوٽ سبب کين ڏکيائين کي منهن ڏيڻو پوي ٿو. مريدن ۽ عقيدتمندن ضلعي چيئرمين ٺٽو، ضلعي ڪائونسل جي ميمبر جنگشاھي ۽ يو سي چيئرمين جنگشاهي کان مطالبو ڪيو آهي ته درگاهه تي فوري طور صاف پاڻي، بجلي، وضو خانا، واش روم ۽ ٻين بنيادي سهولتن جي فراهمي کي يقيني بڻايو وڃي ته جيئن زائرين کي سهولت ملي سگهي.