هڱورجا ۾ لطيف يونيورسٽي جي شاگرد فرحان چانگ جي آزادي لاءِ احتجاج جاري

فرحان چانگ جي وارثن ۽ مختلف تنظيمن جي ڪارڪنن ڇهين ڏينهن به احتجاجي ڪيمپ جاري رکي

ھڱورجا(رپورٽر)ھڱورجا مان 10 ڏينهن اڳ کنڀي گم ڪيل شاھ عبداللطيف يونيورسٽي خيرپور جي شاگرد فرحان چانگ جي بازيابي لاء وارثن ۽ مختلف سماجي ڪارڪن پاران ,ڇھين ڏھاڙي بہ احتجاجي بک ھڙتالي ڪئمپ جاري رکي وئي ھنڱورجا مان 10 ڏينهن اڳ کنڀي گم ڪيل شاھ عبداللطيف يونيورسٽي خيرپور جي شاگرد فرحان چانگ جي بازيابي لاء وارثن پاران 6 ڏھاڙي بہ جمن چانگ.جھنڊل چانگ.گلاب چانگ.جي اڳوڻي ۾ احتجاجي بک ھڙتالي ڪئمپ جاري رکي وئي آھي احتجاج ڪندڙن ميڊيا سان ڳالھائيندي چيو آھي تہ 10 ڏينھن اڳ مختلف ٿاڻن جي پوليس فرحان چانگ جي گھر مان گرفتار ڪري گم ڪري ڇڏيو آھي جنھن جي اڃان ظاھر نٿو ڪيو وڃي ھنن چيو جيڪڏنھن گم فرحان چانگ جي جلد آزاد نہ ڪيو ويو تہ سخت احتجاج ڪرڻ تي مجبور ٿينداسون.