ٺٽو: وڪيل سيد اعجاز شاهه پاران چيتنا گينگ ريپ ۽ قتل ڪيس مفت وڙهڻ جو اعلان

ڪجهه ڏينهن اڳ گھارو ۾ چيتنا سان گينگ ريپ ڪرڻ بعد کيس بيدردي سان قتل ڪيو ويو هو

ٺٽو (محمد شفيق ڀٽي) گھارو ۾ هندو عورت سان زيادتي ۽ قتل جو واقعو، ايڊووڪيٽ سيد اعجاز حسين شاهه جو مفت قانوني مدد ڏيڻ جو اعلان، گھارو ۾ هندو عورت چيتنا سان زيادتي ڪري بي رحماڻي نموني قتل ڪرڻ جو واقعو انتهائي افسوسناڪ، دل ڏکوئيندڙ ۽ انسانيت خلاف سنگين ڏوهه آهي۔ ضلع انساني حقن ڪميٽي، انساني حقن واري کاتي حڪومت سنڌ جي ميمبر ايڊووڪيٽ سيد اعجاز حسين شاهه پنهنجي جاري ڪيل بيان ۾ چيو آهي ته هڪ بيگناهه عورت سان اهڙي درندگي رڳو قانون جي بالادستي لاءِ چيلينج ناهي پر سڄي سماج لاءِ به شرمناڪ عمل آهي۔ هن چيو ته هن واقعي ۾ ملوث جوابدارن کي فوري طور گرفتار ڪري قانون مطابق سخت کان سخت سزا ڏني وڃي ته جيئن مستقبل ۾ اهڙا افسوسناڪ واقعا ٻيهر پيش نه اچن۔ ايڊووڪيٽ سيد اعجاز حسين شاهه اعلان ڪيو آهي ته هو انسانيت جي بنياد تي مقتوله چيتنا جي وارثن کي انصاف ڏيارڻ لاءِ هي ڪيس مفت ۾ وڙهندا ۽ آخري حد تائين قانوني جدوجهد جاري رکندا۔ هن چيو ته مظلوم خاندان کي قانوني مدد فراهم ڪرڻ سندس اخلاقي ۽ سماجي ذميواري آهي۔ هن حڪومت سنڌ، پوليس ۽ لاڳاپيل ادارن کان مطالبو ڪيو ته هن ڪيس جي شفاف ۽ غيرجانبدارانه جاچ ڪرائي وڃي ۽ اصل جوابدارن کي جلد کان جلد گرفتار ڪري عدالت آڏو پيش ڪيو وڃي ته جيئن مقتوله جي خاندان کي انصاف ملي سگهي۔ سندس وڌيڪ چوڻ هو ته هاڻي خاموش رهڻ ممڪن ناهي،