عمرڪوٽ ۾ پ پ پ ليڊيز ونگ جي گڏجاڻي, شهيد ذوالفقار علي ڀٽو جي ورسي ڀرپور نموني ملهائڻ جو اعلان

98 views | 09th Mar 2026 • سنڌي خبرون

گڏجاڻي ۾ ليڊيز ونگ ضلعي صدر گلزاران سمون ۽ ٻين جي شرڪت

عمرڪوٽ ۾ پ پ پ ليڊيز ونگ جي گڏجاڻي, شهيد ذوالفقار علي ڀٽو جي ورسي ڀرپور نموني ملهائڻ جو اعلان

عمرڪوٽ (رپورٽ:ڪانجي مل رکيسر) عمرڪوٽ ۾ پاڪستان پيپلز پارٽي ليڊيز ونگ ضلعي عمرڪوٽ طرفان شهيد ذوالفقار علي ڀٽو جي 47هين ورسي ملهائڻ جي حوالي سان اهم گڏجاڻي منعقد ڪئي وئي، گڏجاڻي ۾ ليڊيز ونگ ضلعي صدر گلزاران سمون، جنرل سيڪريٽري جنت قائمخاني، ڊپٽي انفارميشن سيڪريٽري اندرا ميگھواڙ ۽ راڻي سميت ٻين ڪارڪنن وڏي انگ ۾ شرڪت ڪئي، ان موقعي تي اڳواڻن خطاب ڪندي چيو ته شهيد ذوالفقار علي ڀٽو پاڪستان جي عوامي سياست جو اهم نالو هو، جنهن ملڪ ۾ جمهوريت، عوامي حقن ۽ آئين جي بالادستي لاءِ تاريخي جدوجهد ڪئي، گڏجاڻي دوران فيصلو ڪيو ويو ته شهيد ذوالفقار علي ڀٽو جي 47هين ورسي جي موقعي تي ليڊيز ونگ ضلعي عمرڪوٽ جي اڳواڻي ۾ ڪارڪنن جو وڏو قافلو ڳوٺ ڳڙھي خدا بخش ڀٽو روانو ٿيندو ۽ ورسي تقريب ۾ ڀرپور شرڪت ڪئي ويندي، اڳواڻن چيو ته پاڪستان پيپلز پارٽي جا ڪارڪن شهيد قائد جي فلسفي ۽ مشن کي اڳتي وڌائڻ لاءِ پرعزم آهن ۽ هر سال وانگر هن سال به ورسي عقيدت ۽ احترام سان ملهائي ويندي.