مورو ڀرسان ڳوٺ سردار خان لنڊ واسين جو احتجاج، طارق زرداري، شوڪت زرداري تي زمين تي قبضي جو الزام

48 views | 09th Mar 2026 • سنڌي خبرون

11يارنهن ايڪڙ زرعي زمين تي بااثرن قبضو ڪيو آهي: امتياز لنڊ

مورو ڀرسان ڳوٺ سردار خان لنڊ واسين جو احتجاج، طارق زرداري، شوڪت زرداري تي زمين تي قبضي جو الزام

مورو (جاني جماڻي) مورو ڀرسان ڳوٺ سردار خان لنڊ جي رهواسي عورتن مردن ۽ معصوم ٻارڙن سان گڏجي زرعي زمين تي قبضو ۽ سنگين نتيجا ڀوڳڻ جون ڌمڪيون ڏيڻ واري عمل خلاف احتجاجي مظاهرو ڪري نعريبازي ڪئي جنھن جي اڳواڻي امتياز لنڊ، مسمات لال خاتون، ذيشان لنڊ ۽ ٻيا ڪري رھيا ھيا. ان موقعي ھنن ميڊيا سان ڳالهائيندي چيو تہ اسان جي ساڍا يارنهن ايڪڙ زرعي زمين تي بااثر ماڻھون قبضو ڪري ويٺا آهن. هنن الزام لڳايو ته سندن زرعي زمين جو ڪيترائي سال اڳ وڏيري اصغر سولنگي فيصلو به ڪيو آهي جنهن موجب في ايڪڙ قيمت 20 لک رپيا مقرر ڪئي وئي هئي پر هن وقت تائين کين اها رقم ادا ناهي ڪئي وئي، ھنن وڌيڪ چيو تہ سندن زرعي زمين تي طارق زرداري، شوڪت زرداري جي قبضي هيٺ آهي تپيدار دين محمد سولنگي ۽ تپيدار اياز بھڻ مبينا طور ڪوڙا ڪاغذ ٺاهي قبضو ڪندڙن کي ڏنا آهن، جن جي بنياد تي قبضا ڪندڙن بئنڪ مان لون پڻ حاصل ڪيو آهي. هنن چيو ته اسان ڪافي دفعا اهڙيون شڪايتون ڪيون آهن پر انصاف ڪرڻ وارو ڪوئي ناهي ۽ اسان سخت پريشان آھيون ۽ سندن زمين تي ناجائز قبضو ڪيو ويو آهي هنن سنڌ جي صوبائي گهرو وزير ضياءَ الحسن لنجار، آءِ جي سنڌ پوليس ۽ سنڌ جي وڏي وزير مراد علی شاہ کان مطالبو ڪيو ته هن معاملي جو نوٽيس وٺي کين انصاف فراهم ڪيو وڃي ۽ سندن زرعي زمين تان قبضو ختم ڪرايو وڃي ۽ ڪيل فيصلي مطابق اسان کي رقم ڏني نه ته ٻئي صورت ۾ احتجاج جو دائرو وڌايو ويندو.