گڏاپ سٽي پوليس جي ڪارروائي، ساڍا ٽي ٽن کان وڌيڪ سوپاريون هٿ، 2 جوابدار گرفتار

ڪارروائي دوران گلاب ۽ زين الله گرفتار، 3 ٽن کان وڌيڪ سوپاريون هٿ ڪيون ويون

ملير (رپورٽ: عبدالرشيد مورجھريو) گڏاپ سٽي پوليس ڪارروائي ڪندي ساڍا ٽي ٽن کان وڌيڪ سوپارين جي سپلاءِ ۽ وڪري جي ڪوشش ناڪام بڻائي ڇڏي ايس ايس پي ملير ڊاڪٽر عبدالخالق موجب ايس ايڇ او گڏاپ سٽي پوليس ٽيم سان گڏ حب روڊ ڀرسان خفيه اطلاع تي ڪارروائي ڪئي، جنهن دوران ٻن جوابدارن کي گرفتار ڪيو ويو. گرفتار جوابدارن جي سڃاڻپ گلاب ۽ زين الله طور ٿي آهي پوليس موجب جوابدارن سوپاريون لڪائڻ لاءِ ٽرڪ اندر خفيه خانا ٺاهي رکيا هئا ۽ وڏي مقدار ۾ سوپاريون شهر جي مختلف علائقن ڏانهن سپلاءِ ڪرڻ لاءِ کڻي وڃي رهيا هئا ڪارروائي دوران پوليس 600 بورين تي مشتمل ساڍا ٽي ٽن (3500 ڪلوگرام کان وڌيڪ) سوپاريون، 30 ڪلو تيار ٿيل گٽڪو ۽ مين پوري پڻ برآمد ڪئي، جڏهن ته سپلاءِ ۾ استعمال ٿيندڙ ٽرڪ به تحويل ۾ ورتو ويو.ايس ايس پي ملير ڊاڪٽر عبدالخالق چيو ته گڏاپ سٽي پوليس جي ٽارگيٽڊ ڪارروائي سان سوپارين جي سپلاءِ ۽ وڪري جو نيٽ ورڪ ناڪام بڻايو ويو آهي پوليس گرفتار جوابدارن خلاف ڪيس داخل ڪري وڌيڪ جاچ شروع ڪري ڇڏي آهي.