پ پ نوشهروفيروز جي صدر سهيل اختر عباسي پاران يوسي گهيڙ گجو جو دورو

نوشهروفيروز (ڊ ر) حاجي سهيل اختر عباسي، صدر پيپلزپارٽي ضلع نوشهروفيروز ۽ چيئرمين ضلع ڪائونسل نوشهروفيروز، يوسي گھيڙ گجو جو دورو ڪري گورنمينٽ بوائز ھائير سيڪنڊري اسڪول ڪلھوڙا اسٽيشن ۾ پيور بلاڪ اسڪيم جو باضابطا افتتاح ڪيو. افتتاحي تقريب دوران اسڪول جي پرنسپال اعجاز علي سيال، استادن ۽ شاگردن سهيل اختر عباسي جو والھاڻو استقبال ڪيو ۽ گلن جا هار پارايا. ان موقعي تي ڳالهائيندي سهيل اختر عباسي چيو ته تعليم هر معاشري جي ترقي جو بنياد آهي، ۽ سرڪاري اسڪولن ۾ بنيادي سهولتن جي فراهمي سندن اولين ترجيحن ۾ شامل آهي. هن وڌيڪ چيو ته پيور بلاڪ اسڪيم جي مڪمل ٿيڻ سان اسڪول جي ماحول ۾ نمايان سڌارو ايندو، جنهن سان شاگردن کي صاف، محفوظ ۽ سازگار تعليمي فضا ميسر ايندي. هن ضلعي ۾ جاري ترقياتي منصوبن جو ذڪر ڪندي چيو ته عوام سان ڪيل واعدا هر صورت ۾ پورا ڪيا ويندا. تقريب ۾ علائقي جي معززين، والدين، استادن ۽ شاگردن وڏي انگ ۾ شرڪت ڪئي ۽ اسڪول ۾ ترقياتي ڪم جي شروعات تي خوشي ۽ اطمينان جو اظهار ڪيو.