ملير: يوسي 9 چشمہ ۾ گيس بند، 200 گهرن جا رهواسي رمضان ۾ پريشان

جن علائقن ۾ گيس لائين ئي ڪونهي اتي به گيس هلي پئي جيڪا سمجهه کان ٻاهر آهي: رهواسي

ملير (رپورٽ: عبدالرشيد مورجھريو) ابراهيم حیدری ٽاؤن جي يوسي 9 چشمہ ۾ رمضان المبارڪ جي شروع ٿيندي گيس جي بند ڪيو ويو آهي جنهن سبب علائقي واسي سخت پريشانيءَ ۾ مبتلا ٿي ويا آهن۔ رهواسين موجب سوئی سدرن گیس ڪمپنی طرفان ڳوٺ جي مين گيس لائين اوچتو بند ڪئي وئي آهي جنهن ڪري لڳ ڀڳ 200 گهر سحري ۽ افطار وقت سخت ڏکائين کي منهن ڏئي رهيا آهن۔علائقي وارن جو چوڻ آهي ته رمضان جهڙي بابرڪت مهيني ۾ گيس نه هئڻ سبب هو ڪاٺين تي کاڌو پچائڻ تي مجبور آهن جنهن سان نه رڳو خرچ وڌي ويا آهن پر عورتن ۽ ٻارن کي به تڪليفون پيش اچي رهيون آهن رهواسين الزام لڳايو ته هڪ پاسي سندن باقاعده لائين بند ڪئي وئي آهي ته ٻئي پاسي ڪجهه اهڙن علائقن ۾ گيس فراهم ڪئي پئي وڃي جتي مبينا طور باقاعده لائينون به موجود ناهن ۔متاثر رهواسين لاڳاپيل اختيارين ۽ چونڊيل نمائندن کان مطالبو ڪيو آهي ته فوري طور مين گيس لائين بحال ڪئي وڃي ۽ رمضان جي مقدس مهيني ۾ عوام کي بنيادي سهولت کان محروم نه رکيو وڃي۔ هنن خبردار ڪيو ته جيڪڏهن مسئلو ترت حل نه ڪيو ويو ته احتجاج جو دائرو وڌايو ويندو۔