پيروسڻ: کرڙاهه شهر مان اغوا ٿيل ٻارڙِي جو تشدد ٿيل لاش هٿ، وارثن جو لاش رکي ڌرڻو

انيسا ڌيءَ حيات ڦل جو ڇهن ڏينهن بعد مکڻ خان لاشاري واري علائقي مان ٻني مان لاش مليو

پيروسڻ(رپورٽر )پيروسڻ ڀرسان کرڙاھ شھر مان 6 ڏينهن اڳ اغوا ٿيل معصوم 6 سالا نينگري انيسا ڦل جو مکڻ خان لاشاري ويجھو زرعي زمين مان تشدد ۽ تذليل ٿيل لاش هٿ، وارثن جو مھراڻ ھاءِ وي تي پيروسڻ ٿاڻي آڏو نينگريءَ جو مڙھ رکي ڌرڻو. جڏھن تہ پيروسڻ ڀرسان 6 ڏينهن اڳ اغوا ٿيل معصوم نينگري انيسا ڌيءُ حيات ڦل جو تشدد ٿيل لاش مکڻ خان لاشاري جي علائقي ۾ زرعي زمين مان تشدد ۽ تذليل ٿيل لاش هٿ آيو اطلاع موجب نينگري کي بي درديءَ سان قتل ڪرڻ بعد لاش زمين ۾ لڪايو ويو هو، جيڪو اڄ خفيا اطلاع تي هٿ آيو. واقعي جي خبر پکڙجڻ شرط علائقي ۾ خوف ۽ ڏک جي لهر ڇانئجي وئي، جڏهن ته وارثن ۽ ڳوٺاڻن وڏي انگ ۾ گڏ ٿي مھراڻ ھاءِ وي تي پيروسڻ ٿاڻي آڏو ڌرڻو هنيو. مظاهرين نينگري جي والد حيات ڦل، ارشاد ڦل، غلام رسول ڦل، لالا غفار ڦل اياز ڦل زاھد ڦل، زوھيب ڦل ۽ ٻين مظاھرين قاتلن جي فوري گرفتاري ۽ نينگري کي انصاف فراهم ڪرڻ جو مطالبو پڻ ڪيو ويو.پوليس موجب واقعي جي جاچ جاري آهي ۽ جوابدارن جي ڳولا لاءِ مختلف هنڌن تي ڇاپا هنيا پيا وڃن، جڏهن ته اختيارين جو چوڻ آهي ته جلد جوابدارن کي گرفتار ڪري قانون جي ڪٽهڙي ۾ آندو ويندو، جڏھن ته آخري حد تائين مھراڻ ھاءِ وي روڊ تي ڌرڻو ۽ احتجاجي مظاھرو جاري رھيو.