سجاول ۾ شاگردياڻين کي حراسان ڪرڻ ۽ ڪاروڪاري وارن واقعن خلاف ريلي

سياسي سماجي ڌرين ۽ شهرين پاران شاھي بازار کان پريس ڪلب تائين ريلي ڪڍي وئي

سجاول (رپورٽر) سجاول ۾ مظلومن جي آواز جي ڊبليو سي پاران سنڌ ۾ ناحق قتل ٿيل عورتن ۽ شاگردياڻين جي خون سان انصاف ٿيڻ لاء ريلي ڪڍي احتجاجي مظاھرو ڪيو ويو ريلي شاھي بازار کان ٿيندي پريس ڪلب پهتي جنهن ۾ ڪارڪنن صحافين سياسي سماجي ماڻهن ۽ شهرين ھٿن ۾ بئنر کڻي انصاف لاء احتجاج ڪيو ھن موقعي اڳواڻن حنيف ملاح عمرخاصخيلي مهتاب شاھ عباس ملاح علي رضا سهتو اسلم شاھ اصغر راھي ۽ ٻين خطاب ڪندي چيو ته سنڌ ۾ ڪاروڪاري جون تهمتون مڙھي بيگناھ عورتن کي قتل ڪرڻ جا واقعا وڌي ويا آھن ھنن چيو ته تازوئي خالده چانڊيو شماعلا چانڊيو جا واقعا ٿيا آھن جڏھن ته ميرپورخاص جي شاگردياڻي فهميده لغاري کي بلاجواز تنگ ڪري خود ڪشي ڪرڻ تي مجبور ڪيو ويو ھنن چيو ته ھاڻي جديد دور آھي عورتن کي به پنهنجا حق ملڻ گهرجن ۽ اھڙي غلط رسمن جو خاتمو ٿيڻ گهرجي ۽ تعليمي درسگاھن ۾ ويٺل وحشي صفت عملدارن کي ھٽائي بهتر سٺو ماحول پيدا ڪيو وڃي جيئن نياڻيون بنان ڪنهن خوف جي پنهنجي تعليم مڪمل ڪري سگهن ۔