جهرڪ ڀرسان لنڪ ڪئنال ۾ وهنجندي هڪ نينگري ٻڏي وئي، ٻي کي علائقي واسين بچائي ورتو

ٺٽو ( رپورٽ شفيق ڀٽي)جهرڪ ڀرسان لنڪ ڪئنال ۾ افسوسناڪ حادثو، هڪ نينگري فوت، ٻي بچائي وئي۔ جھرڪ ٿاڻي جي حدن اندر چلھ سائيٽ ڀرسان آر ڊي 189 وٽ واقع لنڪ ڪئنال ڪراچي واه ۾ اڄ صبح تقريباً 10:20 وڳي هڪ افسوسناڪ واقعو پيش آيو، جتي ڳوٺ عاز محمد جاکھرو سان واسطو رکندڙ ٻه معصوم نينگريون وهنجندي پاڻي جي تيز وهڪري ۾ وهي ويون۔واقعي دوران ستن سالن جي نسيبان ڌي منظور جاکھرو کي فوري طور تي مقامي ماڻهن بچائي ورتو، جڏهن ته ٻي ستن سالن جي نينگري شهناز ڌي عبدالعليم پاڻي ۾ ٻڏي گم ٿي وئي، جنهن جي بعد ۾ فوت ٿيڻ جي تصديق ٿي آهي اطلاع ملندي ئي هيومن رائيٽس پروٽيڪشن اينڊ سوشل هسٽس ٺٽو جي جنرل سيڪريٽري ارشاد علي گندرو جي اڳواڻي ۾ غوطه خورن جي ٽيم واقعي واري هنڌ پهتي ۽ ڳولا شروع ڪئي۔ ريسڪيو 1122 جي ٽيم به تقريباً 1:45 وڳي پهتي، جڏهن ته جھرڪ پوليس واقعي کان لڳ ڀڳ پنج ڪلاڪ دير سان پهتي، جنهن تي علائقي واسين پاران سخت ڳڻتي جو اظهار ڪيو ويو۔علائقي جي رهواسين اختيارين کان مطالبو ڪيو آهي ته اهڙن خطرناڪ هنڌن تي حفاظتي اپاءَ ورتا وڃن ته جيئن مستقبل ۾ اهڙن افسوسناڪ واقعن کان بچي سگهجي۔