مورو پوليس پاران ڪار ڦر گينگ جي ٻن جوابدارن کي گرفتار ڪرڻ جي دعويٰ

پوليس ڳوٺ رانجھو خان زرداري ۾ ڪامياب ڪارروائي ڪندي ڦر ٿيل ڪار هٿ ڪري ورتي: ڊي ايس پي فائزا سوڍر

مورو(جاني جماڻي) ايس ايس پي نوشهروفيروز مير روحل خان کوسو جي خصوصي هدايتن تي مورو ڊي ايس پي فائزا سوڊر ايس ايڇ او امتياز علي کھاوڙ پريس ڪانفرنس ڪندي ٻڌايو تي مورو پوليس ڳوٺ رانجھو خان زرداري ۾ ڪامياب ڪارروائي ڪندي ڪجهه ڏينهن اڳ ڦر ٿيل ڪار هٿ ڪري ورتي آهي. پوليس ڦر جي واردات ۾ ملوث گينگ جا ٻه اهم جوابدار سبحان شعبان ولد وارث زرداري ۽ امتياز ولد حاڪم زرداري (رهواسي مورو) کي گرفتار ڪري ورتو.آهي جوابدارن جي قبضي مان ڦر ٿيل هڪ ڪار ۽ ٻه غيرقانوني پسٽل برآمد ڪيا ويا. جوابدارن حيدرآباد مان هڪ ڪار ڪرائي تي ڪئي هئي، جنهن کانپوءِ مورو ٿاڻي جي حد النور مل ويجهو ڊرائيور *محمد پناهه ولد عبدالله کوسو* کان ڪار ڦر ڪري فرار ٿي ويا هئا. ان واقعي جو ڪيس مورو ٿاڻي تي اڳ ئي داخل ٿيل هو. گرفتار جوابدارن کان وڌيڪ جاچ ڪئي پئي وڃي، جنهن کانپوءِ مٿن وڌيڪ قانوني ڪارروائي عمل ۾ آندي ويندي. ھوڏانھن ڪار ڊرائيور محمد پناھ کوسو مورو پوليس جي ڊي ايس پي فائزا سوڊر ۽ ٻين پوليس عملدارن کي دعائون ڪيون مورو پوليس جي اھڙي ڪارروائي ڪئي ۽ ڪار برآمد ڪرڻ تي خوشي جو اظهار ڪيو ۽ مورو پوليس جو شڪريو مڃيو ان وقت ريڊر عبدالرئوف سولنگي اياز حسين ڀٽو موجود هو