ملڪي آبادي قرض ۾ ٻڏندي پئي وڃي ۽ ملڪ جا حڪمران ڪرپشن ڪري عياشيون ڪري رهيا: زين شاھ

ڏوڪري: ڳوٺ حڪيم سنديلو ۾ ايس پي اڳواڻ مشتاق سنديلو پاران قومي ڪچهري منعقد

ڏوڪري(اطهر ميمڻ) سنڌ يونائيٽيڊ پارٽيءَ جي مرڪزي صدر سيد زين شاھ چيو آھي ته سنڌ جي ھزارين سالن جي قديم تھذيب جو پڙاڏو سدائين گونجندو رھندو،سنڌو درياءُ سنڌ ۽ سنڌي قوم جي جياپي جو واحد اھڃاڻ آھي جنھن جي حفاظت اسان جو فرض آهي،جيڪو ڏينھن قيامت تائين قائم ۽ دائم رھندو.ملڪ جا حڪمران اوڌر جا پئسا وٺي ملڪ ھلائي رهيا آهن پيو وڃي،ملڪي آبادي قرض ۾ ٻڏندي پئي وڃي ۽ ملڪ جا حڪمران ڪرپشن ڪري عياشيون ڪري رهيا. زين شاھ ، تفصيل موجب ڏوڪري ويجھو ڳوٺ حڪيم سنديلو ۾ قومپرست اڳواڻ مشتاق سنديلو طرفان منعقد ڪيل قومي ڪچھري کي خطاب ڪندي سنڌ يونائيٽيڊ پارٽي جي مرڪزي صدر سيد زين شاھ چيو ته حڪومت جي انگ اکرن موجب ملڪ ۾ 33 سيڪڙو غربت آھي، سنڌ ۾ 6 ڪروڙ مان 2 ڪروڙ ماڻھو مھنگائي ۽ بيروزگاري جي ڪري صرف ھڪ ويلو ماني کائيندي رهيا آهن،ھن چيو ته حڪمران نيڪال جو نظام، زرعي نظام ۽ مينھن جو پاڻي گڏائي شھرين کي زھر پياريو پيو وڃي.ملڪ کي اوڌر جي معيشت تي ھلايو پيو وڃي،ملڪي آبادي ڏينهون ڏينهن قرض ۾ ٻڏل آھي. بيوروڪريسي ۾ ڪرپشن عروج تي آھي، سنڌ جي گيس، تيل ۽ معدنيات تي قبضو ڪيو ويو آھي،عظيم ۽ قديم تھذيب موھن جو دڙو جي ڪک ۾ رھندڙ ماڻھن جي زندگي ۾ 5 ھزار سالن ۾ تبديلي نه آئي آھي،سنڌ جو ماڻهو ترقي بجاءِ اڃان زوال طرف وڌندو ٿو رهي.ھن چيو ته سنڌ تي حق حڪمراني، اختيار ۽ خودمختياري لاءِ جدوجھد ڪرڻ ھر سنڌي ۽ سنڌ ۾ رھندڙن مٿان فرض آھي، ايس يو پي ڪڏھن به پنھنجي منشور تان پوئتي نه هٽندي.ھن چيو ته ھزارين سالن کان وھندڙ سنڌو جي موجن کي روڪڻ، ھزارين ايڪڙ زمين، معدنيات ۽ وسيلن جي ڦر لٽ خلاف ميدان تي جدوجھد ڪري رهيا آهيون جيڪا حقن جي حاصلات تائين جاري رهندي،