گلشن معمار ۾ علي ميڊيڪل سينٽر ۽ ميٽرنٽي هوم جو افتتاح, تقريب ۾ پ پ ايم پي اي علي احمد خان ۽ ٻيا شريڪ

ٻين اسپتالن مان هتي سستو علاج ۽ ٽيسٽون ڪيون وينديون: انتظاميه

ملير(رپورٽ: عبدالرشيد مورجھريو) گلشن معمار ۾ علي ميڊيڪل سينٽر ۽ ميٽرنٽي جو افتتاحي تقريب ٿي گذريو جنهن ۾ سياسي سماجي اڳواڻن جي شرڪت، ان موقعي تي پ پ پ ايم پي اي علي احمد خان، مسلم ليگ (ن) اڳواڻ فھد شفيق، علي رند، براھمداغ رند، پ پ اڳواڻ غلام مصطفيٰ ڪورائي، یوسی چیئرمین چوڌري فاروق زمان، جنرل ڪونسلر بادل خان جتوئي، پي ٽي آئي اڳواڻ جليل احمد مغيري، ڊاڪٽر اسد، ڊاڪٽر علي، ڊاڪٽر سعيديه افخار، ڊاڪٽر صائمہ خالد، ۽ ٻين ڳالھائيندي چيو ته گلشن معمار ۾ ٻيا به کوڙ ساريون نجي اسپتالون آهن پر انهن جي ڀيٽ ۾ علي ميڊيڪل سينٽر ۽ ميٽرنٽي ھوم، ۾ تمام ريائتي فيس تي تمام بهترين قابل اعتماد ڊاڪٽر 24 ڪلاڪ موجود آهن جنهن ڪري شھر جي مھانگي ليبارٽري کان ھن اسپتال ۾ تمام گھٽ خرچ تي ٽيسٽون ڪيون وينديون جنهن ۾ شھرين کي فائدو پهچندو، اسپتال انتظاميه چيو ته اسان پنهنجي اسپتال طرفان ٻھراڙي وارن علائقن ۾ فري ميڊيڪل ڪيمپون لڳائينداسين ، انھن چيو ته اسان جي اسپتال ۾ غريب مريضن لاءِ ويلفيئر جو نظام موجود آهي جنهن ڪري غريب مريضن لاءِ ھر ممڪن مدد ڪري علاج ڪيو ويندو، ھنن وڌيڪ چيو ته تہ ھن مھنگائي واري دور ۾ جيترو ٿي سگهندو ماڻهن کي فائدو پهچائڻ جي ڪوشش ڪئي ويندي،