ڏوڪري ۾ ڪميونسٽ پارٽي آف پاڪستان طرفان طبقاتي جدوجھد بابت ليڪچر پروگرام

سرمائيداراڻي نظام جي تحفظ ڏيڻ لاءِ دنيا کي جنگ جو ميدان بڻايو ويو آھي: نبي سوھو/مير منور ٽالپر

ڏوڪري(اطهر ميمڻ) ڪميونسٽ پارٽي آف پاڪستان طرفان طبقو ۽ طبقاتي جدوجھد بابت ليڪچر پروگرام منعقد ڪيو ويو، جنھن کي خطاب ڪندي دانشور ۽ اديب نبي سوھو، مير منور ٽالپر ۽ ممتاز منگي خطاب ڪندي چيو ته سرمائيداراڻي نظام جي تحفظ ڏيڻ لاءِ دنيا کي جنگ جو ميدان بڻايو ويو آھي، انسانن کي پئسي جي نظر سان ڏسندڙ طبقاتي قوتن اڳيان انساني جان ۽ وقار جي ڪابه اھميت ناھي. ھنن چيو ته طبقاتي نظام خلاف جدوجھد سان ئي پورھيتن، مزدورن ۽ ھارين سميت پيڙھيل عوام کي برابري جا حق ملي سگھندا. ھنن چيو ته دنيا جي پورھيتن،مزدورن، ھارين سميت دانشورن ۽ اديبن کي عملي جدوجھد ذريعي ئي طبقاتي نظام خلاف جدوجھد ذريعي عالمي امن، ترقي ۽ بنيادي حق ملي سگھندا. ان موقعي تي ڪميونسٽ پارٽي جو مرڪزي سيڪريٽري جنرل ڪامريڊ امداد قاضي، جنرل سيڪريٽري ڪامريڊ اقبال، انور ڏنگڙائي، عاجز ماڇي، رستم ميمڻ، حاڪم منگي ۽ ٻين شرڪت ڪئي.