ملير: اسٽيل مل مان اسڪريپ چوري ۾ ملوث 9 جوابدار گرفتار

بن قاسم پوليس ڪارروائي ڪندي 9 جوابدارن کي گرفتار ڪري ورتو

ملير (عبدالرشيد مورجھريو) ملير ضلعي جي علائقي بن قاسم ۾ پوليس ڪارروائي ڪندي اسٽيل مل مان لوھ ۽ ٽامي جي چوري ۾ ملوث 9 جوابدارن کي گرفتار ڪري ورتو آهي۔بن قاسم پوليس موجب ڳجهي اطلاع تي ڪارروائي ڪئي وئي، جنهن دوران هڪ منظم ٽولي کي گرفتار ڪيو ويو۔ گرفتار جوابدارن جي سڃاڻپ رميض، جهانگير، ولي خان، آنوش، سلمان، وقاص، ناصر، ياسين ۽ اعجاز طور ٿي آهي۔ پوليس جوابدارن جي قبضي مان 80 ڪلو کان وڌيڪ چوري ٿيل ڪاپر وائر به هٿ ڪري ورتيون آهن۔ شروعاتي جاچ موجب گرفتار ٽولو پاڪستان اسٽيل ملز مان اسڪريپ چوري جي ڪيترين ئي وارداتن ۾ ملوث رهيو آهي۔پوليس جو چوڻ آهي ته جوابدار چوري ٿيل اسڪريپ مختلف گودامن ۾ وڪرو ڪندا هئا، جنهن مان کين وڏو مالي فائدو حاصل ٿيندو هو۔ جوابدارن خلاف قانون موجب ڪيس داخل ڪري وڌيڪ جاچ شروع ڪئي وئي آهي۔ملير پوليس موجب ڏوهارين خلاف ڪارروائين جو سلسلو جاري آهي