نوشهروفيروز ۾ قاضي غلام نبي ناشاد سان رهاڻ رچائي وئي

رهاڻ انٽربيشنل رائٽرز فورم ۽ سنڌي ادبي سنگت شاخ بچل مهر پاران ملهائي رچائي وئي

نوشهروفيروز(ڊر)انٽربيشنل رائٽرز فورم ۽ سنڌي ادبي سنگت شاخ بچل مهر پاران پريس ڪلب نوشهرو فيروز ۾ قاضي غلام نبي ناشاد سان رهاڻ رچائي ويئي۔ ان موقعي ساهتي پرڳڻي جي اديبن شاعرن ۽ صحافين وڏي انگ ۾ شرڪت ڪئي۔ ان موقعي تي خطاب ڪندي اڳواڻن اعجاز ممنائي۔سيد مختيار علي شاھ۔ ايم ظفر تڳر۔پروفيسر جبار ملاح۔امانت وسطڙو۔اسد وسطڙو۔ارباب ملاح۔ قاضي ساگر۔ مير حسن مهر ۽ ٻين اڳواڻن چيو ته قاضي غلام نبي ناشاد ادب جي اها روشن شمع آهي جنهن جون لاٽون حال ماضي ۽ مستقبل تائين پکڙجي رهيون آهن۔قاضي ناشاد کي شاعريء جي ڪشش بيحد ڪارائتي رهي ۽ سندس نثر ۽ نظم ۾ ٽي ڪتاب شايع ٿيا آهن جيڪا سندس بهترين ۽ وزنائتي ڪوشش آهي۔ اڳواڻن چيو ته ناشاد جي ڏات ۾ پختگيء جو سبب اُن وقت جون ادبي شخصيتون ھيون جن جي صحبت کيس ادب جي دنيا ۾ ٽن خوبصورت ڪتابن جي تخليق ڪرڻ جھڙي زبردست صلاحيت ڏني. اڳواڻن چيو ته ناشاد سنڌي ادبي سنگت جي شاخ جو بنياد 1976 ۾ رکيو۔سنڌي ادبي سنگت شاخ خانواھڻ کي 1992 ۾ ضلعي نوشھروفيروز جي متحرڪ ۽ فعال شاخ جو اعزاز پڻ قاضي ناشاد جي محنت جو نتيجو آھي. اڳواڻن چيو ته ناشاد جي لکڻين جي سنوار سنڌي ادبي سنگت جي ادبي ويھڪن مان نکري نروار ٿي.اڄ کيس ادبي خدمتن عيوض ڀيٽا پيش ڪري رهيا آهيون۔ اڄ ناشاد جهڙن محبتي ۽ امن پسند ماڻھن جي ضرورت آھي جيڪي ادب جي واڌ ويجهه لاء سنجيدگيء سان ڪم ڪن ته جيئن سنڌ ۽ سنڌي سماج جو نالو روشن ٿئي.پروگرام ي آخر ۾ عيد مشاعرو رکيو ويو جنهن ۾ شاعرن پنهنجي نڪور شاعري پيش ڪئي جڏهن ته غلام حسن ڪلهوڙي ترنم ۾ ڪلام ڳائي خوب داد حاصل ڪيو۔