ڪنري ۾ فضل عمر انٽر اسڪول ڪرڪيٽ ٽورنامينٽ شروع ٿي وئي

ٽورنامينٽ جا ڪوارٽر فائينل ۽ سيمي فائينل اڄ ۽ فائينل ميچ سڀاڻي خميس ڏينھن ٿيند

عمرڪوٽ(رپورٽ:ڪانجي مل رکيسر) ڪنري ۾ فضل عمر انٽر اسڪول ڪرڪيٽ ٽورنامينٽ جو آغاز ٿي ويو، رحمت ڪالوني گرائونڊ ۾ شروع ٿيل ٽورنامينٽ ٽن ڏينھن تائين جاري رهندو، ٽورنامينٽ جي پھرين ڏينھن تي 6 ميچ کيڏيا ويا، پھريون ميچ گورنمينٽ هاءِ اسڪول ڍڊرو ۽ گورنمينٽ طالب الموليٰ ھاءِ اسڪول ۾ ٿيو، ڍڊرو اليون جي ٽيم مقرر 6 اوورن 62 اسڪور ڪيو جيڪو طالب الموليٰ جي ٽيم 5 وڪيٽن تان کٽي ورتو، ٻي ميچ ۾ سڄڻ خان چانڊيو جي ٽيم 86 اسڪور ڪيو جيڪو گورنمينٽ قاضي سلطان هائير سيڪنڊري جي ٽيم 9 وڪيٽن تان کٽيو. ٽين ميچ ۾ گورنمينٽ فضل عمر هائير سيڪنڊري جي ٽيم 123 اسڪور ٺاهيا سندس مقابلي ۾ دي ويزن ٻسٽان جي ٽيم 78 اسڪور ٺاهي هارائي وئي. چوٿين ميچ ۾ هاءِ اسڪول رسول آباد جي ٽيم 78 اسڪور ٺاهيا جيڪو گورنمينٽ بوائز اسڪول ٻسٽان جي ٽيم 6 وڪيٽن تان کٽي ورتو، اھڙي ريت ٽورنامينٽ جو پنجين ميچ ۾ ليجنڊ پبلڪ اسڪول جي ٽيم 42 اسڪور ٺاهيو جيڪو خالد بين وليد اسڪول جي ٽيم 9 وڪيٽن تان ڪاميابي حاصل ڪئي، جڏھن ته ڇھين ميچ ۾ هاءِ اسڪول ڏامون مل ميگھواڙ 37 اسڪور ٺاهيا جواب ۾ فائيو اسٽار اسڪول ٽن اوورن ۾ اسڪور مڪمل ڪري 8 وڪيٽن تائين ميڇ کٽي ورتو. ان موقعي تي مختلف اسڪولن جا پرنسپالز ۽ شاگردن جو وڏو انگ موجود هو، جڏھن ته اڄ ٽورنامينٽ جا ڪوارٽر فائينل ۽ سيمي فائينل ٿيندا ۽ فائينل ميچ سڀاڻي خميس ڏينھن ٿيندو.