گڏاپ ۾ برساتن ۾ لڙهي ويل ماڻهن جا گهرڀاتي بي يارو مددگار بڻيل

گلاب ڀيل سندس زال، پٽ ۽ پوٽو برساتن سبب پاڻي جي ريلي ۾ لڙھي ويا هئا: وارث

ملير (عبدالرشيد مورجھريو)ملير جي علائقي گڏاپ ۾ گذريل برساتن ۾ لڙھي ويل خاندان جي گھر ڀاتين جي چونڊيل نمائندن سار نه لڌي متاثر خاندان جا چار ڀاتي گذريل برساتن ۾ لڙھي وڃڻ باوجود سرڪاري امداد لاء سرڪاري آفيسن جا چڪر ڪاٽڻ تي مجبور تفصيل موجب: ملير جي علائقي گڏاپ ۾ گذريل برساتن سبب گڏاپ جا رھواسي چار ڀاتي گلاب ڀيل سندس زال پٽ ۽ پوٽو تيز برساتن سبب پاڻي جي ريلي ۾ لڙھي ويسي ھئا جنھن کي ڇھ مھينن کان وڌيڪ عرصو گذرڻ باوجود متاثر خاندان جي ڪنھن به چونڊيل نمائندي توڙي سرڪاري اداري پاران ساري نه لڌي وئي آھي جنھن سبب متاثر خاندان بکون ڪاٽڻ تي مجبور آھي متاثر خاندان پاران امداد حاصل ڪرڻ لاء مختلف آفيسن جا چڪر ڪاٽڻ تي مجبور آھن جڏھن ته متاثر خاندان جي گھر ڀاتين دانھيندي چيو ته اسان ڪافي ڀيرا نادرا آفيس گڏاپ ويا آھيون پر ھر ڀيري آسرا ڏين ٿا ء ھر ڀيري ٻين آفيسن جا چڪر لڳرائن ٿا ھنن وديڪ چيو ته اسان جو ڏاڏو جيڪو ڳوٺ جو چڱو به ھيو پر افسوس ان جي ۽ سندس ٻڏي ويل ماڻھن جي باقي خاندان کي اسان جي چونڊيل نمائندن به وساري ڇڏيو آھي ھنن ڊپٽي ڪمشنر ملير ۽ وس وارن کان مطالبو ڪيو آھي ته اسان کي امدادي رقم ڏئي اسان سان انصاف ڪيو وڃي ۽ فاڪاڪشي کان بچايو وڃي.