چترال (ویب ڈیسک) چترال کے علاقے ڈومیل میں ایک گھر پر برفانی تودہ گرنے کے باعث 9 افراد جاں بحق ہو گئے۔
ڈی سی آفس چترال کے مطابق، ڈومیل میں ایک گھر پر برفانی تودہ گرنے کے نتیجے میں 9 افراد اپنی جانیں گنوا بیٹھے، جبکہ ایک بچہ زخمی ہو گیا ہے۔
ڈی سی آفس کا کہنا ہے کہ جاں بحق ہونے والوں میں 4 خواتین اور 5 مرد شامل ہیں، جن کی لاشیں نکال لی گئی ہیں۔
واضح رہے کہ خیبر ضلع کی وادی تیراہ میں شدید برفباری کے باعث پھنسے آئی ڈی پیز کو محفوظ مقامات کی جانب منتقل کرنے کے لیے ریسکیو آپریشن جاری ہے۔
خیبر کے ڈپٹی کمشنر کے مطابق، ضلعی انتظامیہ کی نگرانی میں بروقت اقدامات کیے گئے، جس کے نتیجے میں تمام متاثرہ خاندان محفوظ رہے ہیں۔
0 تبصرے