نوشهروفيروز ۾ دالي واسي ڀاءُ ڀيڻ جو بااثرن خلاف احتجاج

اڪبر لاکو وارن اسان تي ڪوڙو ڪيس داخل ڪرايو آهي: شهزادو لاکو

نوشهروفيروز(ڊ ر)نوشهروفيروز ۾ دالي واسي ڀاءُ ڀيڻ جو مبينا ڪوڙو ڪيس داخل ٿيڻ خلاف احتجاج ناري ريشمان پنهنجي ڀاءُ شهزادو لاکو سان گڏجي پريس پهتي جتي هنن ميڊيا اڳيان دانهيندي چيو آهي ته اڪبر لاکو، شکر راشد لاکو غني لاکو وارن اسان مٿان ڪوڙو چوري جو الزام هڻي ڪنڊيارو ٿاڻي ڪوڙي ايف آءِ آر داخل ڪرائي ڇڏي آهي جنھن سبب دربدر ٿي ويا آهيون هنن چيو ته اڪبر لاکي وارن پوليس ساڻ ڪري اسان جي گهرن ۾ گهڙي چادر ۽ چوديواري جو تقدس پائمال ڪري اسان جون 20 ٻڪريون ۽ ٻيو قيمتي سامان کڻي ويا آهن جيڪا زيادتي آهي هنن چيو ته اسان اسان ٽي ڀائر آهيون هڪ ڀيڻ جن تي ڪوڙو ڪيس داخل ڪيو ويو آهي اڪبر لاکي وار پاڻ ڏوهاري قسم جا ماڻهو آهن جن تي ڪيس پڻ داخل ٿيل آهن هن سيشن جج ۽ ايس ايس پي نوشھروفيروز کي اپيل ڪئي ته معامري جي جاچ ڪري ڪوڙي ڪيس کي ختم ڪيو وڃي ۽ انصاف ڏياريو وڃي