کراچی: ایران پر امریکا اور اسرائیل کے حملوں کے بعد کراچی میں مشتعل افراد نے امریکی قونصل خانے میں داخل ہونے کی کوشش کی، جس دوران جھڑپوں میں 9 افراد جاں بحق ہوگئے۔
پولیس کے مطابق احتجاج کرنے والوں کی جانب سے امریکی قونصل خانے پر پتھراؤ کیا گیا، جس پر پولیس اور رینجرز نے کارروائی کرتے ہوئے آنسو گیس کا استعمال کیا اور مشتعل افراد کو پیچھے دھکیل دیا۔
ریسکیو حکام کے مطابق امریکی قونصل خانے کے قریب جھڑپوں میں اب تک 9 افراد جاں بحق ہوچکے ہیں۔
سول اسپتال کے حکام کے مطابق ٹراما سینٹر میں 9 لاشیں لائی گئی ہیں جبکہ 24 زخمیوں کو بھی اسپتال منتقل کیا گیا ہے۔
0 تبصرے