گڏاپ: ڳوٺ راڌو جوکيو ۾ فري ميڊيڪل ڪيمپ قائم, 300 کان وڌيڪ مريضن کي چيڪ ڪري دوائون ڏنيون ويون

ميڊيڪل ڪيمپ آغا خان اسپتال طرفان لڳائي وئي هئي

ملير (رپورٽ: عبدالرشيد مورجھريو) آغا خان يونيورسٽي اسپتال جي طرفان ڳوٺ راڌو جوکيو، گڏاپ ۾ فري ميڊيڪل ڪيمپ لڳائي وئي، جنهن دوران ٽي سئو کان وڌيڪ مريضن جو چيڪ اپ ڪيو ويو. ڪيمپ دوران مختلف بيمارين جي جاچ ڪئي وئي، جڏهن ته 20 مريضن ۾ ڪاري يرڪان (هيپاٽائٽس) جي تصديق ٿي. آغا خان ٽيم پاران اعلان ڪيو ويو ته متاثر مريضن جو علاج آغا خان يونيورسٽي اسپتال ۾ مڪمل طور مفت علاج ڪيو ويندو ۽ کين ضروري ٽيسٽون ۽ دوائون پڻ فراهم ڪيون وينديون.ڪيمپ جي موقعي تي عبدالحڪيم جوکيو، اقبال جوکيو، نياز احمد جوکيو، عيسيٰ جوکيو سميت ٻين ڳوٺاڻن شرڪت ڪئي. ان موقعي تي سماجي اڳواڻ ايم زمان جوکيو آغا خان اسپتال جي انتظاميا جا ٿورا مڃيندي چيو ته اهڙيون ڪيمپس پٺتي پيل علائقن لاءِ وڏي سهائتا ثابت ٿين ٿيون.ڳوٺاڻن مطالبو ڪيو ته مستقبل ۾ به اهڙيون فري ميڊيڪل ڪيمپس منعقد ڪري علائقي واسين کي صحت جون سهولتون فراهم ڪيون وڃن.