ڏوڪري: علي آباد انڙ هائوس تي مختلف برادرين جا جرڳا, مختلف برادرين جا تڪرار ختم

عدنان الطاف انڙ اوڏ، لاشاري جهتيال، پيرزادا، هليا، مڱريا، ساريا ابڙا ۽ ٻين برادرين ۾ هلندڙ تڪرار ختم ڪرائي ڇڏيا

ڏوڪري(اطهر ميمڻ) علي آباد انڙ هائوس تي مخلتف برادرين جا فيصلا ڪري کير کنڊ ڪيو ويو پاڪستان پيپلزپارٽي ايم پي اي عادل الطاف حسين انڙ جي ڀاءُ پيپلزپارٽي اڳواڻ عدنان الطاف حسين انڙ پاران علي آباد ۾ اوڏ، لاشاري جهتيال، پيرزادا، هليا، مڱريا، ساريا ابڙا ۽ ٻين برادرين ۾ هلندڙ تڪرار جون ڳالهيون ٻڌي ڌرين جا معاملا مسئلا ۽ تڪرار ختم ڪرائي ڌرين کي پاڻ ۾ ڀاڪر پارائي کير کنڊ ڪيو ويو ان موقعي تي پيپلزپارٽي اڳواڻ عدنان الطاف حسين انڙ جو چوڻ هو ته پاڪستان پيپلزپارٽي عوامي پارٽي آهي عوام جون دليون اڄ به پاڪستان پيپلزپارٽي قيادت سان آهن. پاڪستان پيپلزپارٽي قيادت عوام کي ڀرپور رليف فراهم ڪري رهي آهي هن وڌيڪ چيو ته ڏوڪري باقراڻي تعلقن جي عوام ۾ ننڍين ۽ وڏين ڳالهاين تي ٿيندڙ تڪرار ختم ڪري ڌرين کي پاڻ ۾ ڀاڪر پارائي کير کنڊ ڪري رهيو آهيان.