گهگهر ۾ ٻن ڌرين ۾ جهيڙي دوران فائرنگ، هڪ ڄڻو زخمي، وارثن جو روڊ بلاڪ ڪري ڌرڻو

ملير (رپورٽ: عبدالرشيد مورجھريو) ملير جي علائقي گهگهر ۾ ٻن ڌرين وچ ۾ ٿيل جهيڙي دوران فائرنگ جي نتيجي ۾ هڪ نوجوان زخمي ٿي پيو. زخمي نوجوان جي سڃاڻپ نعمان کوسو طور ٿي آهي، جنهن کي ڳڻتي جوڳي حالت ۾ اسپتال منتقل ڪيو ويو، واقعي کان پوءِ کوسا برادري جي ماڻهن وڏي تعداد ۾ گڏ ٿي احتجاجي مظاهرو ڪيو ۽ روڊ بلاڪ ڪري سخت نعريبازي ڪئي، جنهن سبب ٽريفڪ جي روانگي سخت متاثر ٿي، مظاهرين ميڊيا سان ڳالهائيندي الزام هنيو ته شيخ برادري جي ڪجهه ماڻهن سڌي فائرنگ ڪري سندن نوجوان کي بيگناهه زخمي ڪيو آهي ۽ پوءِ فرار ٿي ويا، مظاهرين جو چوڻ هو ته سندن نوجوان کي بنا ڪنهن سبب جي نشانو بڻايو ويو آهي، جڏهن ته حد جي پوليس واقعي کان پوءِ به ڪيترن ئي ڪلاڪن تائين ظاهر نه ٿي، هنن اعليٰ اختيارين کان مطالبو ڪيو ته جوابدارن کي فوري طور گرفتار ڪري کين انصاف فراهم ڪيو وڃي، ٻي صورت ۾ احتجاج جو دائرو وڌايو ويندو. آخري اطلاعن تائين پوليس جو باضابطه بيان سامهون نه اچي سگهيو هو، جڏهن ته علائقي ۾ ڇڪتاڻ واري صورتحال برقرار آهي.