گهوڙا ٻاري ۾ شهيد فدا حسين خشڪ جي ياد ۾ ور سپر ليگ ٽورنامينٽ منعقد

پهرين ميچ ۾ ايم حنيف ٽيم 10 اوورن ۾ 7 وڪيٽن جي نقصان تي 132 رنسون ٺاهيون

ٺٽو(رپورٽ شفيق ڀٽي) شهيد فدا حسين خشڪ جي ياد ۾ ور سپر ليگ پهرين ميچ مڪمل ٻي ڪوهيڙي سبب منسوخ، گھوڙاٻاري جي مرڪزي ور شھر ۾ شهيد فدا حسين خشڪ جي ياد ۾ جاري ور سپر ليگ (VSL) سيزن 9 نائيٽ ڪرڪيٽ ٽورنامينٽ دوران جوش ۽ جذبي سان مقابلا جاري آهن ٽورنامينٽ شهيد فدا حُسين خشڪ جي ياد کي تازو رکڻ ۽ نوجوانن ۾ مثبت سرگرمين کي هٿي ڏيڻ لاءِ منعقد ڪيو پيو وڃي جنهن کي علائقي جي ماڻهن ڀرپور پذيرائي ڏني آهي ايونٽ جي پهرين ميچ شاندار نموني کيڏي وئي ايم حنيف ٽيم 10 اوورن ۾ 7 وڪيٽن جي نقصان تي 132 رنسون ٺاهيون، علي کوسو 44 رنسن سان ٽاپ اسڪور رهيو جڏهن ته راشد بلوچ ۽ حميد خشڪ 25، 25 رنسون جو اضافو ڪيو جواب ۾ ال آصف ٽيم بهترين راند پيش ڪندي 8 اوورن ۾ 2 وڪيٽن جي نقصان تي 133 رنسون ٺاهي 8 وڪيٽن تان ڪاميابي حاصل ڪئي پيار علي شاهه 47 عثمان امان 46 ۽ نصرالله پنھور 31 رنسن سان نمايان رهيا ٻي ميچ دوران رات دير سان ڪوهيڙو وڌڻ سبب ميدان ۾ نظر گهٽجي وئي جنهن ڪري امپائرن ۽ انتظاميا آئي سي سي قانونن تحت رانديگرن جي حفاظت کي ترجيح ڏيندي ميچ منسوخ ڪرڻ جو فيصلو ڪيو فيصلي مطابق ٻنهي ٽيمن کي هڪ، هڪ پوائنٽ ڏنو ويو ليگ انتظاميه موجب شهيد فدا حسين خشڪ جي ياد ۾ جاري هي راندين جو سلسلو شيڊيول موجب هلندو رهندو جڏهن ته ايندڙ ڏينهن ۾ وڌيڪ دلچسپ ۽ سنسني خيز مقابلا متوقع آهن.