ملير: سچل ڳوٺ واسي نوجوان جو بااثرن خلاف احتجاج

ميرپور بٺورو۾ بااثر منهنجي زمين تي قبضو ڪرڻ چاهين ٿا: نسيم الله پکالي

ملیر(رپورٽ: عبدالرشيد مورجھريو) سچل ڳوٺ جي رھواسي نوجوان نسيم الله پکالي صحافين اڳيان دانھيندي ٻڌايو ته منهنجي اباڻي ڳوٺ عمر پکالي تعلقو ميرپور بٺورو ضلع سجاول ۾ منهنجي ابن ڏاڏن جي زمين آهي، آءُ پاڻ ڪراچي ۾ رھندو آھيان، ان ڪري منهنجي زمين تي قبضه گروپ قبضو ڪري مون کي ڪوڙن ڪيسن ۾ ڦاسائي زمين کان بيدخل ڪرڻ چاھن ٿا، ان چيو ته ملزم جمن پکالي، یحییٰ پکالي ۽ ٻيا جوابدار منھنجي زمين تي قبضو ڪري مون کي ڪوڙن ڪيسن ۾ ڦاسائي جاني مالي نقصان ڏيڻ جي ارادي سان پريشان ڪري رھيا آھن، ان چيو ته مون تي اڳ ۾ به جوابدارن 2 ڪوڙيون ايف آئي آرون منشيات ۽ جھيڙي جون داخل ڪرايون ھيون جيڪي به بي بنياد ثابت ٿيون آهن، ان چيو ته ھيئنر تازو 16/2/2026 تي جمن پکالي جي ڌيءَ افشان پکالي پنهنجي رضا خوشيءَ سان جاويد ڪيٽائي سائين ڪورٽ ميرج ڪرڻ لاءِ گھران نڪري سٽي ڪورٽ ڪراچي ۾ شادي ڪئي، جنهن جي ڪوڙي اغوا ڪيس م به منهنجو نالو شامل ڪيو ويو آهي، جنهن سان منهنجو ڪو پري پري جو واسطو به ڪونهي، جنھن ڇوڪري سان افشان شادي ڪيو اھو ڇوڪرو ٻئي ذات جو آھي ان سان منهنجو ڪھڙو واسطو ٿي سگهي ٿو، ھن چيو ته شادي ڪندڙ جوڙي پاڻ ويڊيو رڪارڊ ڪري ۽ ڪورٽ جا حڪم نامه سوشل ميڊيا تي رکي ٻڌايو ته مونکي ڪنهن اغوا ناھي ڪيو مون پاڻ خوشي سان شادي ڪري ڇڏي آهي، ان باوجود به ميرپور بٺورو پوليس مون کي پريشان ڪري رھيو آھي، ان وزير اعلي سنڌ، آئي جي سنڌ، ڊي جي رينجرس، ايس ايس پي سجاول کان اپيل ڪندي چيو ته ملزمن خلاف قانوني ڪارروائي ڪري مون کي جاني مالي تحفظ فراهم ڪيو وڃي،