مدئجي ويجھو هٿياربندن جي فائرنگ ۾ عورت قتل

هٿياربندن گوليون هڻي سعيدان زال عبدالغني ڪيهر کي قتل ڪري ڇڏيو

مدئجي ويجهو ڳاهيجا ٿاڻي جي حد ڳوٺ آباد ڪيهر ۾ نامعلوم هٿياربند چور عبدالغني ڪيهر جي گهر ۾ داخل ٿي گهر ڀاتين کي هٿيارن جي زور تي يرغمال بڻائي چوپايو مال ڪاهڻ جي ڪوشش ڪئي،رڙيون ڪرڻ تي هٿياربند چورن مسمات سعيدان زال عبدالغني ڪيهر کي گوليون هڻي قتل ڪري ڇڏيو آھي،جڏھن ته لاش واقعي واري هنڌ پيل آھي ۽ پوليس حد جو تڪرار ڄاڻائي ڇڏيو آھي،جنهن بعد گهر ڌڻي پنهنجي مدد پاڻ تعت هٿياربندن پويان ويل آهن، گهر ڌڻي رابطو ڪرڻ تي ٻڌايو ته 4 کان مٿي هٿياربندن گهر ۾ داخل ٿي ڪري اسان گهر ڀاتين مٿان هٿيار تاڻي ڪنٽرول ڪيو رڙيون ڪرڻ تي هٿياربند چورن عورت مسمات سعيدان خاتون کي گوليون هڻي قتل ڪري ڇڏيو آهي، ٻئي طرف لاش گهر اندر واقعي واري هنڌ پيل آھي، جڏهن ته پوليس هڪ ڪلاڪ تائين واقعي واري هنڌ نه پهتي آهي.