عمرڪوٽ: شادي زبردستي ٿيڻ جو الزام، نوجوان ناري طلاق لاءِ عدالت پهچي وئي

منهنجي شادي مرضي خلاف ڪرائي وئي هئي، جنهن سبب ذهني ۽ سماجي دٻاءَ جو شڪار آهيان: نندني مهيشوري

عمرڪوٽ (ڊ ر) ڪراچي شهر جي رهواسي شادي شده ناري نندني مهشوري ڌي جعمون پنهنجي اڳوڻي مڙس ستيش کان طلاق وٺڻ لاءِ ٽنڊوالهيار جي مقامي عدالت ۾ باقاعده درخواست داخل ڪرائي ڇڏي آهي، عدالتي درخواست داخل ڪرڻ کان پوءِ نندني مهشوري عمرڪوٽ پريس ڪلب پهچي صحافين سان ڳالهائيندي چيو ته سندس شادي سندس مرضي خلاف ڪرائي وئي هئي، جنهن سبب هوءَ ذهني ۽ سماجي دٻاءَ جو شڪار رهي، هن چيو ته هاڻي هوءَ قانوني طريقي سان طلاق حاصل ڪري پنهنجي مرضي سان آزاد زندگي گذارڻ چاهي ٿي، نندني مهشوري جو وڌيڪَ چوڻ هو ته هر عورت کي پنهنجي زندگي بابت فيصلا ڪرڻ جو حق حاصل آهي ۽ زبردستي لاڳاپا سماج لاءِ نقصانڪار آهن، هن لاڳاپيل ادارن کان مطالبو ڪيو ته کيس انصاف فراهم ڪيو وڃي ته جيئن هوءَ بنا ڪنهن دٻاءَ جي پنهنجي زندگي نئين سر شروع ڪري سگهي، ذريعن موجب عدالت طرفان درخواست تي ابتدائي ڪارروائي شروع ڪئي وئي آهي، جڏهن ته ايندڙ تاريخ تي ڌرين کي طلب ڪرڻ جو امڪان آهي.