ملير: سپر هاءِ وي تي خادم سولنگي ڳوٺ ڀرسان پاڻي جي ٽانڪي مان ڀاءُ ڀيڻ جا لاش هٿ

لاشن جي 12ورهين جي آصف پٽ ڪاشف ۽ سندس 10 ورهين جي ڀيڻ عائشه طور سڃاڻپ

ملير (رپورٽ: عبدالرشيد مورجھريو) سپر هاءِ وي تي خادم حسين سولنگي ڳوٺ ڀرسان هڪ گهر جي پاڻي واري ٽينڪي مان هڪ ڇوڪري ۽ هڪ ڇوڪري جي ٻڏل لاش هٿ آيا آهن ۔اطلاعن موجب ٻنهي ٻارن کي ٽينڪي مان ڪڍي فوري طبي امداد لاءِ ايمبولينس ذريعي عباسي شهيد اسپتال منتقل ڪيو ويو، جتي ڊاڪٽرن سندن فوت ٿيڻ جي تصديق ڪئي۔ ضروري قانوني ڪارروائي مڪمل ڪرڻ لاءِ لاش اسپتال ۾ رکيل آهن۔فوت ٿيل ٻارن جي سڃاڻپ 12 ورهين جي آصف ولد ڪاشف ۽ 10 ورهين جي عائشه ڌيءَ ڪاشف طور ٿي آهي۔ شروعاتي ڄاڻ موجب واقعو ممڪن طور حادثاتي نوعيت جو لڳي ٿو، تنهن هوندي به پوليس وڌيڪ جاچ شروع ڪري ڇڏي آهي ته جيئن واقعي جا اصل سبب معلوم ڪري سگهجن۔پوليس موجب قانوني ڪارروائي مڪمل ٿيڻ بعد لاشون وارثن حوالي ڪيون وينديون۔