عمرڪوٽ ۾ 2نينگريون مبينا اغوا، والدين جو جوابدارن جي گرفتاري جو مطالبو

6 views | 18th Feb 2026 • سنڌي خبرون

حنا ٿهيم ۽ زينب فاطمه جي اغوا جا ڌار ڌار ڪيس داخل ڪرايا ويا

عمرڪوٽ ۾ 2نينگريون مبينا اغوا، والدين جو جوابدارن جي گرفتاري جو مطالبو

عمرڪوٽ (رپورٽ:ڪانجي مل رکيسر) عمرڪوٽ ۾ ٻه ڌار ڌار ڪيس نينگرين جي مبينا اغوا جي سلسلي ۾ داخل ڪيا ويا، جتي والدين ۽ وارثن پوليس کان جوابدارن جي فوري گرفتاري ۽ نينگرين جي بازيابي جو مطالبو ڪيو آهي، ڳوٺ عثمان ٿھيم جي رهواسي، 9 سالا حناءَ ڌيءَ محمد امين ٿھيم جي ڀاءُ عمران ٿھيم وومين ٿاڻي عمرڪوٽ ۾ ڪيس داخل ڪرايو آھي، ايف آئي آر موجب محمد حنيف، اڪبر، جھانزيب مغل ۽ غلام سرور هٿيارن جي زور تي گهر ۾ داخل ٿي حناءَ کي زبردستي اغوا ڪري ويا ٻي پاسي عمرڪوٽ ويجهو پير ايوب جان سرهندي جي رهواسي، زينب فاطمه ڌي محمد فيصل جي ماءُ عابده زال محمد فيصل وومين ٿاڻي عمرڪوٽ پھچي ڪيس داخل ڪرايو آھي تہ سجاد علي، اسد علي، محمد زبير سميت ڇهه ڄڻن هٿيارن جي زور تي گهر ۾ داخل ٿي فاطمه کي زبردستي اغوا ڪري شادي ڪرائي وئي آھي، ٻنهي ڪيسن ۾ والدين ۽ وارثن ايس ايس پي عمرڪوٽ ۽ لاڳاپيل اختيارين کان مطالبو ڪيو آهي ته جوابدارن کي فوراً گرفتار ڪري نينگرين کي بازياب ڪرايو وڃي ۽ قانوني ڪاروائيءَ کي يقيني بڻايو وڃي.