سجاول ۾ جمعيت علماءِ اسلام جي مجلسِ عامله ۽ يونٽن جي اميرن ۽ ناظمِ عمومي جو اجلاس

سجاول(رپورٽر)جمعيت علماءِ اسلام تعلقي سجاول جي مجلسِ عامله ۽ يونٽن جي اميرن ۽ ناظمِ عمومي صاحبان جو گڏيل اهم اجلاس مدرسه هاشميه سجاول ۾ منعقد ٿيو. اجلاس جي صدارت تعلقي جي امير عبدالغني سومرو ڪئي.اجلاس ۾ ايندڙ سال سکر ۾ ٿيندڙ عالمي امن اجتماع جي تيارين جو جائزو ورتو ويو ۽ فيصلو ڪيو ويو ته تيارين کي وڌيڪ تيز ۽ منظم بڻايو وڃي ته جيئن پروگرام ڪاميابي سان منعقد ٿي سگهي. اجلاس کي خطاب ڪندي عبدالغني سومرو چيو ته عالمي امن ڪانفرنس ڪوٺائڻ جو بنيادي مقصد ملڪ ۾ امن، استحڪام ۽ ڀائيچاري جي فضا کي هٿي وٺرائڻ آهي. هن چيو ته موجوده حالتن ۾ قوم کي اتحاد، يڪجهتي ۽ برداشت جي ضرورت آهي، ۽ اهڙا اجتماع سماجي هم آهنگي کي فروغ ڏين ٿا.اجلاس ۾ مولانا عبدالرزاق کٽي، مولانا طفيل احمد کٽي، مولانا غلام حسين ميمڻ سميت ٻين عهديدارن ۽ ڪارڪنن شرڪت ڪئي. اجلاس جي آخر ۾ عالمي امن اجتماع جي ڪاميابي لاءِ دعا پڻ ڪئي وئي