راڄوخاناڻي ۾ اڳوڻي عورت ٽيچر پاران خانگي اسڪول جي مالڪ ۽ ان جي پٽ مٿان ڪيس داخل

اسڪول مالڪ اسحاق ۽ سندس پٽ عبدالرحمان خاصخيلي اسڪول ۾ نازيبا حرڪتون ڪندي بليڪ ميل ڪندا رھيا: مسڪان

راڄو خاناڻي (رپورٽر) راڄوخاناڻي جي خانگي اسڪول جي اڳوڻي عورت ٽيچر پاران اسڪول جي اونر ۽ ان جي پٽ مٿان حراسمنٽ ڪرڻ ۽ شادي لاءِ بليڪ ميل ڪرڻ جو الزام، ٽيچر جي فرياد تي ايف آ۽ آر داخل راڄوخاناڻي جي ھڪ خانگي اسڪول فرحت پبلڪ اسڪول جي اڳوڻي عورت ٽيچر مسڪان ڌيءَ محمد علي عرف بابو مڱڻھار اسڪول جي اونر اسحاق خاصخيلي ۽ ان جي پٽ عبدالرحمان خاصخيلي مٿان الزام لڳايو آھي ته ٻئي پي پٽ کيس حراسمنٽ ۽ بليڪ ميل ڪندا رھيا آھن جنھن ڪري ھن مجبور ٿي اسڪول ڇڏيو ۽ اسڪول ۾ نازيبا حرڪتون ڪرڻ سان گڏ شادي لاءِ به بليڪ ميل ڪندا رھيا ۽ اسڪول ڇڏڻ کانپوءِ ھنن بليڪ ميل ڪرڻ ۽ وڊيو شيئر ڪرڻ لاءِ بليڪ ميل ڪندا رھيا ليڊي ٽيچر موجب مون مجبور ٿي ايس پي بدين، ھيومن رائٽس وارن وٽ دانھي ٿيس جن پاران نوٽيس وٺڻ تي راڄوخاناڻي ٿاڻي تي ٻنھي پيءَ ۽ پٽن اسحاق ۽ عبدالرحمان مٿان حراسمنٽ ۽ بليڪ ميل ڪرڻ جي ايف آ۽ آر داخل ٿي ويئي آھي جڏھن ته ڪابه گرفتاري عمل ۾ ناھي آئي، ھوڏانھن اسڪول جي اونر جي پٽ عبدالرحمان جو چوڻ آھي ته معاملو پيار جو آھي ھنن مٿان بليڪ ميل جا الزام اجايا آھن.