نوشھرو فيروز ۾ سنڌ پوليس جي ٽيسٽ پاس اميدوارن پاران احتجاجي مظاهرو

فزيڪل رٽن ۽ ٻيا مرحلا ڪليئر ڪري پاس ٿيا آھيون ان باوجود اسان کي آڊر نٿا ڏنا وڃن: اميدوار

نوشھرو فيروز(ڊ ر)سنڌ پوليس جي ٽيسٽ پاس ڪندڙ اميدوارن پاران آفر آرڊر نه ملڻ خلاف پريس ڪلب اڳيان احتجاجي مظاهرو ڪيو ويو جنهن جي اڳواڻي عتيق الرحمان وسطڙو, عاشق ڪورائي, محمد اعظم ڏنگراج, وقار ڪورائي, مقصود ابڙو, عبيدالله چانڊيو, مجاھد سولنگي, عبدلغفور سيال, آدم ٻگھيو ۽ ٻيا ڪري رهيا هئا ان موقعي تي اڳواڻن ميڊيا کي ٻڌايو ته اسان فزيڪل رٽن ۽ ٻيا مرحلا ڪليئر ڪري پاس ٿيا آھيون ان باوجود به اسان کي آڊر نٿا ڏنا وڃن نوجوانن کي ڀت سان لڳايو پيو وڃي ھنن وڌيڪ ٻڌايو ته اسان اور ايج ٿي ويا آھيون اسان سان انصاف ڪيو وڃي ھنن گھرو وزير آء جي سنڌ ۽ اعلي اختيارين کي مطالبو ڪيو ته ويٽنگ وارن کي آفر آڊر ڏئي نوجوانن مان بيچيني ختم ڪئي وڃي ٻي صورت ۾ سموري سنڌ جا نوجوان سي ايم سنڌ , آء جي سنڌ , ۽ ھوم منسٽر ھائوس اڳيان احتجاج ڪرڻ تي مجبور ٿيندا