عمرڪوٽ اسڪول ۾ سائنس ۽ آرٽ ميلو، شاگردن طرفان 150 کان مٿي پروجيڪٽ پيش

فائونڊيشن اسسٽيد اسڪول نيو جرني پبلڪ سيڪنڊري اسڪول ۾ سائنس ۽ آرٽ جو ميلو ٿي گذريو

عمرڪوٽ(رپورٽ:ڪانجي مل رکيسر) عمرڪوٽ اسڪول ۾ سائنس ۽ آرٽ ميلو، شاگردن طرفان سائنس ۽ آرٽ جا 150 کان مٿي پروجيڪٽ ٺاھي خوب داد حاصل ڪيو ويو. خبر موجب عمرڪوٽ فائونڊيشن اسسٽيد اسڪول نيو جرني پبلڪ سيڪنڊري اسڪول عمرڪوٽ ۾ سائنس ۽ آرٽ جو ميلو ٿي گذريو تقريب ۾ اڳوڻي ايم اين اي لال مالهي، ليکراج مالهي، بنسي مالهي، ڪي بي مهر،قادر نڪريچ,جاويد علي ڪنڀر, سنڌ ايجوڪيشن فائونڊيشن عمرڪوٽ جي ڊسٽرڪٽ هيڊ ڀڳوانداس، استاد محمد خان ڪنڀر، طارق ڀٽي، تارا چند مالهي، فائونڊيشن اسسٽيڊ نيو جرني جي آنر موهن لال مالهي، پرنسپل ميڊم پايل مالهي, سپروائيز اميت باغي سميت ٻين معززين راهول واگاڻي، حڪيم لقمان پلي، جانب دلواڻي، انور پلي، ونيش مالهي (جرمني کان) سميت ٻين شرڪت ڪئي جڏھن تقريب ۾ شاگردن طرفان مختلف سائنس ۽ آرٽ جا پروجيڪٽ ٺاهي پنهنجي فن ۽ هنر جو مظاهرو ڪيو ويو استادن ميڊم پايل، وڪرم ڪاگا، محب ناز، يار محمد، سروڻ اوڏ، اجي ڪلال، هيرالال، اميت مالهي ، سومجي ڀيل، اويناش، پرمانند، صدام حسين، علي حسن خاصخيلي، تنوير خان ۽ ٻين استادن تقريب جا انتظام کي هڪ بهترين نظم ۽ ضبط سان سنڀالي آيل معزز مهمانن کي وڏي مان ۽ احترام سان ڀليڪار ڪيو ويو جڏھن ته تقريب ۾ مختلف سيف ۽ پرائيويٽ سرڪاري اسڪولن جي استادن ۽ شاگردن وڏي تعداد ۾ شرڪت ڪري، سائنس ۽ آرٽ ميلي ۾ حصو وٺندڙ شاگردن جي حوصلا افزائي ڪئي انعام پڻ ڏنا تقريب دوران خطاب ڪندي مقررين چيو ته نيو جرني اسڪول ۾ ٿيندڙ اها سرگرمي عمرڪوٽ جي تعليم جي تاريخ ۾ هڪ نئون تخليقي قدم آهي جنهن سان عمرڪوٽ جي تعليم وڌيڪ ترقي حاصل ڪندي اهڙا پروگرام هر اسڪول ۾ ٿيڻ گهرجن اُھي شاگردن کي حوصلو ڏين ٿا شاگرد تعليم جي سکيا ۾ وڌيڪ ترجيح وٺن ٿا.