نوشهرو فيروز ۾ سنڌي ادبي سنگت شاخ بچل مهر پاران نصير ملاح سان رهاڻ رچائي وئي

اعجاز ممنائي، ايم ظفر تڳر، عبداللطيف سولنگي، محمد يونس راڄپر، علي نواز سولنگي ۽ ٻيا شريڪ

نصير ملاح ساهتي پرڳڻي جو انمول انسان آهي جنهن علم ۽ ادب جي واڌاري لاء تمام وڏو ڪم ڪيو آهي: مقرر نوشهرو فيروز (ڊ ر) سنڌي ادبي سنگت شاخ بچل مهر پاران نيشنل پريس ڪلب نوشهرو فيروز ۾ ساهتي پرڳڻي جي ماهر تعليمدان سماج سڌارڪ ۽ دانشور نصير ملاح سان رهاڻ رچائي وئي جنهن جي صدارت سنڌي ادبي سنگت شاخ ڏيپارجا جي سيڪريٽري محبتي ملاح ڪئي۔ تقريب کي خطاب ڪندي اعجاز ممنائي۔ايم ظفر تڳر۔ عبداللطيف سولنگي۔ محمد يونس راڄپر , علي نواز سولنگي ۔ اسد وسطڙو۔ راڻا شير محمد امانت علي وسطڙو۔ راڻا عبدالستار۔ جاويد جاني۔ استاد اقبال ميمڻ۔ گل بقا عمراڻي مير حسن مهر ۽ امجد ميمڻ خطاب ڪندي چيو ته سائين نصير ملاح ساهتي پرڳڻي جو انمول انسان آهي جنهن علم ۽ ادب جي واڌاري لاء تمام وڏو ڪم ڪيو آهي اڄ سماج جي سڌاري لاء سائين نصير ملاح جو ڪردار آئيني طور سامهون آهي۔ اسانجو مستقبل روشن آهي ڇوته اسان وٽ سائين نصير ملاح جهڙا ماڻهو موجود آهن جن جي فڪري وابستگي سماج لاء پائدار آهي سائين نصير ملاح هڪ تخليقي ذهن آهي۔ ڀريا جي مٽي تمام زرخيز آهي جنهن نصير ملاح جهڙين شخصيتن کي جنم ڏنو ۽ اڄ سندس خدمتن کي ڀيٽا ڏني ويئي تقريب کي خطاب ڪندي نصير ملاح چيو ته مون لاء هيء تقريب وڏو اعزاز آهي جو مونکي زندگيء ۾ مانُ ڏنو آهي مون جيڪو ڪجهه ڪيو آهي ان لطيف سرڪار جي معرفت شامل آهي جيڪڏهن اها نه هجي هان ته شايد مان ڪجهه نه ڪري سگهان هان۔ تقريب جي آخر ۾ غلام حسن ڪلهوڙو ترنم ۾ گيت ڳائي محفل کي جهومائي ڇڏيو۔