ڏوڪري ۾ ٽائون چيئرمين عبدالحميد جيسر جي صدارت هيٺ گڏجاڻي ٿي گذري

ڪارڪردگي ڏيکاريندڙ ملازمن کي مڃتا ڏيڻ تقريب ڪوٺائي وئي

ڏوڪري(اطهر ميمڻ) ڏوڪري ۾ ڪارڪردگي ڏيکاريندڙ ملازمن کي مڃتا ڏيڻ لاءِ ٽائون چيئرمين طرفان ملازمن کي ايوارڊ ۽ روڪ رقم ڏيڻ سميت تعريفي سندون جاري ڪيون ويون. ٽائون ڪميٽي ڏوڪري جي چيئرمين عبدالحميد جيسر جي نگراني ۾ ڏوڪري ٽائون حال ۾ اجلاس ٿي گذريو، جنھن ۾ ٽائون آفيسر ياسين ڀٽو، عاطف تنيو، اياز سومرو انجنيئر علي مدد لغاري، سپريٽينڊنٽ فياض ڀان، عبدالقدير جيسر، محراب خاصخيلي، غلام مصطفي تنيو سميت آفيسرن ۽ ڪائونسلرن شرڪت ڪئي. اجلاس دوران بھتر ڪارڪردگي ڏيکاريندڙ ڏوڪري ٽائون ڪميٽي جي ملازمن جي همٿ افزائيءَ لاءِ ملازمن ۾ انعام ورهايا ويا، جنھن ۾ سينيٽري انچارج شهداد ميمڻ، ايمپلائيز انچارج عمران ميمڻ، محمد حسن جلباڻي ۽ ٻين سوئيپر، مالهي، ڊرائيورن، جمعدارن ۽ آفيس ڪلارڪن کي بهترين ڪارڪردگيءَ تي مڊل ۽ ڪيش انعام ڏناويا ۽ ڪارڪردگي جون سندون پڻ ڏنيون ويون. ان موقعي تي خطاب ڪندي ٽائون چيئرمين عبدالحميد جيسر چيو ته ٽائون ملازمن کي بھتر ڪارڪردگي ڏيکارڻ تي انعام ڏيڻ سان سندن حوصلو وڌندو ۽ ٻيا ملازم به بھتر ڪارڪردگي ڏيکاريندا.