برادري تڪرارن ۾ ماڻهو مري رهيا آهن، سردار ۽ ڀوتار خاموش آهن: صنعان قريشي

شڪارپور ( احسان ابڙو ) سنڌ ۾ قبائلي تڪرارن جي خاتمي بدامني مذھبي لسانيت خلاف رستم موڙ کان جسقم چيئرمين صنعان خان قريشي جي اڳواڻي ۾ جسقم ڪارڪنن ۽ شڪارپور جي سول سوسائٽي طرفان امن مارچ ڪيو ويو جيڪو شھر جي مختلف رستن کان ٿيندو پريس ڪلب تائين پھتو امن مارچ جي قافلي مٿان شھرين پاران مختلف ھنڌن تي گلن جي ورکا پڻ ڪئي وئي ان موقعي تي امن مارچ ۾ شھيد ڀٽو اڳواڻ سعيد سومرو،بئريسٽر ٽيم ضلع شڪارپور جو صدر نعيم احمد سيٺار ٻيا اڳواڻ، جيئي سنڌ محاذ اڳواڻ ڪامريڊ اسد سومرو، عمران منگي سياسي سماجي مذھبي وڪيل برادري ۽ ٻين تنظيمن جي اڳواڻن پڻ شرڪت ڪئي امن مارچ کي خطاب ڪندي جسقم چيئرمين صنعان خان قريشي ،سينيئر وائيس چيئرمين آڪاش ملاح,وائيس چيئرمين فقير رمضان ڪلوڙ,جنرل سيڪريٽري محمد رمضان خاصخيلي ,ڊپٽي جنرل سيڪريٽري عزيزالرحمان شيخ ، عبدالسميع بلالي اشرف ڪلھوڙو ناياب سرڪش سنڌي ۽ ٻين خطاب ڪندي چيو ته سموري سنڌ ۾ ھلندڙ قبيلائي تڪرارن کي فلفور ختم ڪرايو وڃي ڇوته انھن تڪرارن جي آڙ ۾چوريون ڦرون اغوا جون وارداتون ٿين ٿيون قبيلائي تڪرارن جي نتيجي ۾ سنڌ جي نوجوانن جي تعليم پڻ متاثر ٿي رھي آھي