ملير: ميمڻ ڳوٺ ۾ ايس ڪي هيومن رائٽس جي مرڪزي آفيس جو افتتاح

ملير (رپورٽ: عبدالرشيد مورجھريو)ايس ڪي هيومن رائٽس فائونڊيشن پاڪستان جي چيئرمين ۽ سينيئر قانوندان ايڊووڪيٽ شجاعت رسول ڪورائي ملير ميمن گوٺ ۾ ايس ڪي هيومن رائٽس فائونڊيشن جي مرڪزي آفيس جو باقاعده افتتاح ڪيو. افتتاحي تقريب ۾ سماجي، قانوني ۽ عوامي حلقن سان لاڳاپيل اهم شخصيتن شرڪت ڪئي ان موقعي تي ايس ڪي هيومن رائٽس جي مرڪزي صدر عائشه جوڻيجو مهمانن کي اجرڪن جا تحفا پيش ڪيا تقريب ۾ آل پاڪستان ڪلارڪ ايسوسيئيشن جي چيئرمين عبدالقدوس شيخ، زاهد ڪوسو، شفق علي، منظور ڪورائي، خدا بخش، امام الدين جوڪيو، زاهد جونيجو سميت تنظيم جا عهديدار ۽ ڪارڪن موجود هئا تقريب کي خطاب ڪندي ايس ڪي هيومن رائٽس جي چيئرمين ايڊووڪيٽ شجاعت رسول ڪورائي چيو ته سندن ادارو غريب، بي سهارا ۽ مظلوم طبقن جي حقن جي تحفظ لاءِ عملي ڪردار ادا ڪري رهيو آهي. هن چيو ته ايس ڪي هيومن رائٽس ماضي ۾ به عوام سان گڏ بيٺل رهيو آهي ۽ ايندڙ وقت ۾ به مستحق ماڻهن کي بنا معاوضي قانوني مدد فراهم ڪندو رهندو.هن وڌيڪ چيو ته جيڪڏهن ڪنهن به غريب يا بي سهارا فرد کي قانوني مدد جي ضرورت هجي ته هو ايس ڪي هيومن رائٽس فائونڊيشن پاڪستان جي آفيس، ملير ميمن گوٺ سان رابطو ڪري، جتي مفت قانوني سهولتون مهيا ڪيون وينديون.